Navukoŭcy stvaryli niepieramožnaha ŭ pokiery robata
Daśledčyki univiersitetu Albierty (Edmand, Kanada) stvaryli Cefieja — niepieramožnaha ŭ hulni ŭ pokier robata. Jaho achilesavu piatu vykryŭ na staronkach The Guardian hulec Krystafier Choł.
Prahramu treba było adno aznajomić z praviłami hulni — dalej dva miesiacy kibierkarciožnik razyhryvaŭ miljardy partyj na siekundu z dapamohaj čatyroch tysiač pracesaraŭ.
Cefiej zhulaŭ bolš partyj, čym usio čałaviectva za svaju historyju.
Takim čynam navukoŭcy daśledavali štučny intelekt i teoryju hulniaŭ. Pokier byŭ abrany praz toje, što, u adroźnieńnie ad šachmat, jon nie jość hulnioj z poŭnaj infarmacyjaj. Kali ŭ šachmaty daskanały kampjutar adnaznačna pieramahaje čałavieka, u pokiery štučny intelekt maje mienš šancaŭ.
Zajavam ab niepieramožnaści Cefieja nie pavieryŭ Krystafier Choł, aŭtar-fryłansier, što piša na temu pokiera.
Na sajcie prajektu jon zhulaŭ z Cefiejam pryblizna 400 hulniaŭ — i znajšoŭ tearetyčnuju mahčymaść pakinuć karciožnika biez štanoŭ.
Napačatku Choł ciarpieŭ parazu za parazaj, nivodny jaho blef nie prachodziŭ. Tady Choł vyrašyŭ hulać bolš ahresiŭna na prefłopie i admoviŭsia ad blefu. Heta vykryła słabaść Cefieja: jon nie adaptavaŭsia da novaha stylu hulni. Choł «vyciskaŭ» Cefieja — padymaŭ i padymaŭ staŭki padčas prefłopu dy zabiraŭ bank. Ale i prahrama nieachvotna addavała vialikija hrošy.
Niekalki rozyhryšaŭ, pa słovach Choła, «pad pytańniem», ale ab pieramozie jon zajavić nie moža.
Choł prapanuje zładzić vialiki turnir z Cefiejam i suśvietna viadomymi hulcami dy fiksavanaj kolkaściu partyj. Takim čynam možna budzie atrymać vynik nakštałt słavutych šachmatnych partyj Deep Blue i Hary Kasparava (pieršy raz čałaviek vyjhraŭ pa partyjach 4:2, druhi raz — kampjutar, 3,5:2,5).
U takoj hulni Choł pastaviŭ by na čałavieka.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?14
Kamientary