29 śniežnia ŭ Adesie dy inšych haradach poŭdnia Ukrainy bušavaŭ śniehapad. Redkaja kamunalnaja technika nie spraŭlałasia z uborkaj zanosaŭ. U vyniku na mnohich vulicach ruch byŭ paralizavany.
Tralejbusy, maršrutki i lehkavyja aŭtamabili akazalisia zabłakavanyja na prajeznaj častcy — adny nie zmahli vyjechać z zanosaŭ, inšyja zatrymalisia ŭ zatorach.
Adesity, jakija apynulisia ŭ zaviruchu na vulicy, padzialilisia na try častki.
Pieršyja, kab nie ryzykavać zastalisia načavać u ofisach. Druhija stajać na vulicach u čakańni transpartu. Tak, kala čyhunačnaha vakzała na prypynku było bolš za paŭsotni čałaviek.
«Ja žyvu na Tairava, tudy iści dźvie-try hadziny. Jašče ž treba adoleć hurby, dačakajusia tralejbusa», — raspaviała rabotnica bara Alina.
Zrešty, tysiačy adesitaŭ, nie spadziejučysia na chutkaje adnaŭleńnie pracy hramadskaha transpartu, vyrašyli adpravicca dadomu pieššu. Na centralnych vulicach — Siaredniafantanskaj, Bałkaŭskaj, Maršała Žukava ludzi iduć dadomu pa bruku.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary