U Minsku pastavili śpiektakl «Čort i baba» niaisnaha teatru «Dzie-Ja?»
«Čort i baba». Upieršyniu za 14 hadoŭ na scenie Kamiernaha dramatyčnaha teatru.
U pamiać pra mastackaha kiraŭnika teatru «Dzie-Ja?» Mikołu Truchana na ŭhodki jahonaj śmierci śpiektakl uvaskres na scenie — naŭprost z 1999-ha, kali jaho apošni raz pakazali publicy.
«Jość prafiesijnyja režysiory, talenavityja, a jość režysiory-mastaki. Jany šukajuć toje, čaho nichto jašče nie rabiŭ, niešta svajo. Mikoła Truchan byŭ nam jak nastaŭnik, jak tata, jon niedzie ŭ sercy tak zasieŭ, što prajšło 15 hadoŭ, jak jaho niama, a pamiać jość», — raskazvaje aktor Hienadź Hatoŭčyc.
Śpiektakl u pastanoŭcy režysiora Vitala Barkoŭskaha adkazvaje na najbolš važnyja pytańni: ci jość djabał, i ci jość djabał u nas samich?
«My ličym, što hety śpiektakl viečny, što jon pra kachańnie, pra zdradu, pra ludziej, pra ich adnosiny, pra toje, što takoje my — biełarusy, pra našaje žyćcio», — ličyć aktorka Taćciana Papova.
Kamiedyja ź niaprostymi pytańniami miž radkoŭ paŭstała ŭ teatry «Dzie-Ja?», repiertuar hetaha teatru składali tvory biełaruskich i zamiežnych piśmieńnikaŭ, a ŭsie inscenizacyi išli pa-biełarusku. Z 2004-ha teatr pierajmienavali ŭ Novy dramatyčny teatr. Razam z nazvaju pajšła ŭ niabyt i kancepcyja, ciapier bolšaść dziejaŭ tut – pa-rasijsku.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary