Sudovaja kalehija Minskaha haradskoha suda 21 kastryčnika pakinuła ŭ sile pryhavor suda Kastryčnickaha rajona stalicy ŭ dačynieńni da Andreja Bandarenki.
Kasacyjnaja skarha Bandarenki i jaho abarony była pakinutaja biez zadavalnieńnia.
Nahadajem, 12 žniŭnia sud Kastryčnickaha rajona Minska pryznačyŭ byłomu dyrektaru pryvatnaj infarmacyjna-aśvietnaj ustanovy «Płatform inaviejšn» Bandarenku pakarańnie ŭ vyhladzie čatyroch hadoŭ pazbaŭleńnia voli ŭ kałonii ŭzmocnienaha režymu, ale za košt amnistyi termin byŭ skaročany da troch hadoŭ.
41-hadovy Bandarenka pryznany vinavatym va ŭčynieńni chulihanstva, złosnaha chulihanstva i asabliva złosnaha chulihanstva (častki 1, 2 i 3 art. 339 KK).
Andreju Bandarenku inkryminavalisia try epizody złačynstvaŭ. Pieršy — incydent, jaki adbyŭsia 5 lutaha z udziełam Artura Javorskaha kala kafe «Staražytnaja lehienda» na vulicy Čkałava. Druhi — svarka nočču 27 sakavika ŭ padjeździe doma pa vulicy Čkałava, dzie žyvie Bandarenka. Razmova idzie pra kanflikt z susiedkaj Taćcianaj Radzivon. Treci epizod — padziei nočy 27 sakavika ŭ Kastryčnickim RUUS Minska, dzie Bandarenka nahoj spačatku vybiŭ telefon z ruk Radzivon, jakaja fatahrafavała jaho, a zatym taksama nahoj udaryŭ u tvar maci Radzivon Natallu Travulku. Va ŭsich vypadkach Andrej Bandarenka byŭ niećviarozy i, jak śćviardžaje śledstva, dziejničaŭ z chulihanskich mierkavańniaŭ i z asablivym cynizmam.
Abvinavačany i jaho advakat nie pahadzilisia z takoj kvalifikacyjaj dziejańniaŭ. Sam Bandarenka na sudzie niekalki razoŭ prasiŭ prabačeńnia ŭ paciarpiełych, pryznavaŭ svaju vinu pa druhim i trecim epizodach, vykazvaŭ hatoŭnaść kampiensavać maralny i materyjalny ŭron Radzivon i Travulcy. Jany ž nijakich pazovaŭ nie zajaŭlali, ale havaryli, što nie majuć mety izalavać Bandarenku ad hramadstva.
Svajaki i abarona Bandarenki majuć namier abskardzić siońniašniaje rašeńnie Minharsuda.
Kamientary