Vyniki źjezdu stanuć indykataram perspektyvaŭ ŭsioj palityčnaj apazycyi, – piša «SB».
Vyniki źjezdu stanuć indykataram perspektyvaŭ ŭsioj palityčnaj apazycyi, – piša «SB».
Drukavany orhan Administracyi prezydenta hazeta «Sovietskaja Biełoruśsija» źmiaściła ŭ piatničnym numary na druhoj pałasie materyjał, pryśviečany zaŭtrašniamu źjezdu Partyi BNF.
Aŭtar artykułu Rusłan Kirejeŭ piša, što hetaja padzieja pryciahvaje ŭvahu ź niekalkich pryčyn: “BNF źjaŭlajecca adnoj z najstarejšych partyj. U BNF jość peŭnaja kolkaść struktur, u jaho, narešcie, dynamičny i samaaddany elektarat, jaki časta nie źviazany farmalnym siabroŭstvam u Partyi, ale hatovy z entuzijazmam vykonvać partyjnyja daručeńni”.
Hazeta miarkuje, što Partyja, jakaja jarka prajaviła siabie ŭ kancy 1980-ych, syšła ŭ cień.
Vydańniu taksama nie daje spakoju adzinstva antyłukašenkaŭskich siłaŭ, u tym liku kaalicyja BNF z kamunistami Kalakina.
“Vyniki chutkaha źjezdu, kulminacyjaj jakoha pavinny stać vybary novaha staršyni, cikavyja. Pierš za ŭsio tym, što źjaŭlajucca ŭ peŭnaj stupieni indykataram perspektyvaŭ ŭsioj palityčnaj apazycyi”, – piša “SB”.
Paśla hazeta daje karotkuju charaktarystyku kožnaha z kandydataŭ na pasadu staršyni. Alesiu Michaleviču i vypadku z zatrymańniem napiaredadni minułych prezydenckich vybaraŭ na rasiejskaj miažy nakładu hazety-parodyi na «SB» pryśviečanaja asobnaja ŭrezka.
Na dumku analitykaŭ, na jakich spasyłajecca vydańnie, pieramoha Alesia Michaleviča na hetym źjeździe zamacuje ŭ apazycyjnym asiarodku pazycyi Alaksandra Milinkieviča.
Pieraabrańnie ž Viačorki zachavaje “ciapierašniuju kanfihuracyju na čale z Kalakinym i Labiedźkam”.
Naprykancy artykułu reziumujecca: “Ale najbolšaj intryhaj źjezdu možna ličyć adkaz na pytańnie: ci pryjedzie ŭ Miensk Paźniak, ci znoŭ, papałochaŭšy svaich fanataŭ infarmacyjaj ab “pahrozie dla žyćcia”, jon addaść pieravahu vysłać z Varšavy čarhovy mahutny instruktyŭny tekst”.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary