Ministr abarony Ukrainy Valeryj Hielatej zajaviŭ, što krainy NATA pačali praces pieradačy zbroi Kijevu. Pra heta jon skazaŭ u intervju «5 kanału».
«Ja taksama mieŭ dačynieńni [na samicie] u zakrytym farmacie ź ministrami abarony viadučych krain śvietu, tych, jakija mohuć nam dapamahčy, i jany pačuli, u nas idzie praces pieradačy zbroi, jaki spynić Pucina… Heta mienavita toj šlach, jakim treba iści», — paviedamiŭ ministr.
7 vieraśnia daradca prezidenta Ukrainy, lidar partyi Błok Piatra Parašenki Juryj Łucenka paviedamiŭ, što na samicie NATO 4—5 vieraśnia byli dasiahnutyja damoŭlenaści ab zachodnich vajennych daradcach i pastaŭkach sučasnaj zbroi z ZŠA, Francyi, Italii, Polščy, Narviehii. Paśla pradstaŭniki abaronnych viedamstvaŭ ZŠA, Polščy, Narviehii i Italii źniapraŭdzili infarmacyju ab zapłanavanych pastaŭkach uzbrajeńniaŭ Ukrainie.
Tady 9 vieraśnia Juryj Łucenka zajaviŭ, što nie ŭśviedamlaŭ śpiecyfičnaści pytańnia handlu letalnaj zbrojaj z krainami-čalcami NATO i ciapier prapanuje ŭsprymać takoje ŭzbrajeńnie va Ukrainie jak nabytaje ŭ Vajentorhu.
Heta adsyłka da znakamitych słovaŭ Pucina ab tym, što «zialonyja čałaviečki» ŭ Krymie, mahčyma, nabyli rasijskuju ŭniformu ŭ kramach.
Kamientary