Łukašenka daručyŭ Dzieviatoŭskamu hłyboka vyvučyć prablemy ŭ biełaruskaj lohkaj atletycy

Alaksandr Łukašenka pravioŭ siońnia rabočuju sustreču z pamočnikam prezidenta Biełarusi pa pytańniach fizičnaj kultury, sportu i raźvićcia turyzmu Maksimam Ryžankovym i namieśnikam staršyni Pastajannaj kamisii pałaty pradstaŭnikoŭ pa achovie zdaroŭja, fizičnaj kultury, siamiejnaj i maładziožnaj palitycy Vadzimam Dzieviatoŭskim.

Łukašenka daručyŭ viadomamu spartsmienu, a ciapier deputatu, surjozna zaniacca pytańniami pavyšeńnia efiektyŭnaści ŭ biełaruskaj lohkaj atletycy i vyvučyć usie prablemnyja momanty jak na ŭzroŭni nacyjanalnaj kamandy, tak i ŭ dziciača-junackim sporcie, infrastruktury, uličvajučy budučyja letnija Alimpijskija hulni ŭ Rya-de-Žanejra.

«Deputackaja rabota vielmi važnaja i adkaznaja, ale mnie zdajecca, što ty niedahružany», - skazaŭ kiraŭnik dziaržavy, źviartajučysia da Vadzima Dzieviatoŭskaha.

Alaksandr Łukašenka adznačyŭ, što jaho pakul nie zadavalniaje rabota kiraŭnictva spartyŭnaj haliny, i jon nie bačyć asablivaj addačy.

Pavodle słoŭ Łukašenki, jaho taksama ŭ cełym nie radujuć vyniki fiederacyj pa miedalajomistych vidach sportu, naprykład takich, jak płavańnie i lohkaja atletyka. Pry hetym kiraŭnik dziaržavy padkreśliŭ, što za apošnija hady mnohaje było zroblena dla raźvićcia spartyŭnaj infrastruktury, i pytańnie ab tym, što treniravacca niama dzie, uźnikać nie pavinna.

Razam z tym Alaksandr Łukašenka adznačyŭ, što ŭ asobnych spartyŭnych dyscyplinach zdarajucca i pośpiechi, jak naprykład, niadaŭniaja pieramoha biełaruskaj spartsmienki ŭ biehu na 800 m na čempijanacie Jeŭropy pa lohkaj atletycy. Adnak Łukašenka padkreśliŭ, što pa inšych napramkach, dzie Biełaruś tradycyjna zajmała vysokija miescy, spravy ŭ ajčynnaj lohkaj atletycy iduć drenna.

«Treba zubami čaplacca i viartać sabie lidzirujučyja pazicyi. My heta možam zrabić. My hatovy ŭsialak dapamahać lohkaj atletycy. I samaje hałoŭnaje - tam patrebien vyzvaleny čałaviek, jaki viedaje znutry ŭsiu hetu kuchniu z usimi chitrasplacieńniami. I patrebien čałaviek, nadzieleny ŭładaj», - skazaŭ jon.

Alaksandr Łukašenka zapeŭniŭ, što hatovy asabista padklučycca da vyrašeńnia prablemnych pytańniaŭ u lohkaj atletycy. Jon taksama ličyć nieabchodnym pravodzić u Biełarusi bujnyja mižnarodnyja spabornictvy pa lohkaj atletycy. U suviazi z hetym kiraŭnik dziaržavy nahadaŭ, što stadyjon «Dynama» ŭ Minsku daručana rekanstrujavać mienavita pad lohkaatletyčny stadyjon. Tam płanujecca stvaryć usie nieabchodnyja ŭmovy, jakija daduć mahčymaść Biełarusi na vysokim uzroŭni prymać u tym liku čempijanaty Jeŭropy i śvietu pa lohkaj atletycy.

Jak raskazaŭ žurnalistam Vadzim Dzieviatoŭski pa vynikach sustrečy, akramia niepasredna spartyŭnaj tematyki taksama zakranalisia pytańni baraćby z raspaŭsiudžvańniem narkotykaŭ i adpaviednaha zakonaprajekta, nad jakim ciapier pracujuć deputaty. Jak deputat ad Navapołackaj vybarčaj akruhi Vadzim Dzieviatoŭski taksama padziakavaŭ kiraŭniku dziaržavy za dadzienaje ŭradu daručeńnie ab budaŭnictvie ŭ hetym horadzie novaha ladovaha pałaca.

• 0
• 0
• 0
• 0
• 0
• 0
• 0
• 0