U suviazi z tym, što Rasija pačała vajennuju ahresiju, Zachad pavinien razhledzieć pytańnie ab akazańni vajennaj dapamohi Ukrainie, zajaviŭ u čaćvier ministr zamiežnych spraŭ Litvy Linas Linkiavičus.
«Kali sychodzić z toj infarmacyi, jakuju my atrymlivajem, to adbyvajecca ahresija i idzie nieabvieščanaja vajna. Choć usio heta admaŭlajecca, pastupaje ŭsio bolš infarmacyi z roznych krynic, a taksama ad raźviedki NATA», — skazaŭ ministr.
Pa słovach Linkiavičusa, biez dapamohi ŭkrainskaj armii budzie vielmi ciažka «adbić ahresiju zvonku».
«Ukraincam patrebna i humanitarnaja dapamoha, jakuju pradastaŭlajem i my, i ekanamičnaja dapamoha. Dumaju, što i vajennaja dapamoha pavinna abmiarkoŭvacca», - skazaŭ ministr.
«Zakliki spynić ahoń u hetaj situacyi, kali miaža nieabaronienaja, kali hrupoŭki terarystaŭ praciahvajuć atrymlivać padtrymku zbrojaj, bojeprypasami, ciažkaj technikaj, nie daduć vynikaŭ», — dadaŭ Linkiavičus.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary