Znakamity amierykanski akcior Robin Uiljams pamior va ŭzroście 63 hadoŭ. Jon byŭ znojdzieny miortvym u svaim domie ŭ Kalifornii. U palicyi kažuć, što ŭ jakaści asnoŭnaj viersii razhladajuć samahubstva.
«U ciapierašni čas śledčyja miarkujuć, što pryčynaj śmierci stała aśfiksija [udušša] u vyniku suicydu, adnak kančatkovaje rašeńnie moža być pryniata tolki paśla ŭsiebakovaha rasśledavańnia», — paviedamili palicyjanty.
U lipieni ŚMI paviedamlali, što akcior, jaki raniej pakutavaŭ ad prablem z ałkaholem i narkotykami, prachodziŭ prahramu pa «padtrymańni ćviarozaści» ŭ reabilitacyjnym centry.
63-hadovy akcior — uładalnik premii «Oskar» i niekalkich «Załatych hłobusaŭ».
Jon viadomy ŭ tym liku pa filmach «Tavarystva miortvych paetaŭ», «Dobraj ranicy, Vjetnam» i mnostvu inšych. Za rolu ŭ karcinie «Razumnik Uił Chantynh» jon byŭ hanaravany ŭznaharody Amierykanskaj kinaakademii jak najlepšy akcior.
«My spadziajemsia, u centry ŭvahi budzie nie śmierć Robina, a nieźličonyja momanty radaści i śmiechu, jakija jon padaryŭ miljonam», - havorycca ŭ zajavie žonki akciora Śjuzan Šnajder.
Prezident ZŠA Barak Abama vykazaŭ spačuvańni ŭ suviazi sa śmierciu kamiedyjnaha akciora Robina Ŭiljamsa, paviedamlaje Bieły dom.
«Robin Uiljams byŭ lotčykam, doktaram, džynam, vychavalnikam, prezidentam, prafiesaram, kłapatlivym Piteram Penam i šmat jašče kim. Ale jon byŭ adzinym u svaim rodzie», - havorycca ŭ zajavie Abamy.
Abama dadaŭ, što Uiljams dzialiŭsia svaim talentam z kožnym, chto ŭ im mieŭ patrebu — ad vojskaŭ ZŠA za miažoj da biazdomnych na vulicach.
Praviły žyćcia Robina Uiljamsa ad Esquire
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ1
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary