Biełaruś u pytańni tranzitu tavaraŭ z Zachadu na rasijskuju terytoryju prytrymlivajecca damoŭlenaściej z prezidentam Rasii Uładzimiram Pucinym. Heta adznačyŭ Alaksandr Łukašenka, prymajučy z dakładam premjer-ministra Michaiła Miaśnikoviča.
Na sustrečy abmiarkoŭvałasia pytańnie tranzitu ź inšych krain praź Biełaruś tavaraŭ na rasijskuju terytoryju. Jak padkreśliŭ Alaksandr Łukašenka, Biełaruś prytrymlivajecca ŭ hetym pytańni damoŭlenaściej, dasiahnutych u čas praviedzienaj niadaŭna telefonnaj razmovy z prezidentam Rasii Uładzimiram Pucinym. U pryvatnaści, Pucin prainfarmavaŭ Łukašenku ab ekanamičnych mierach, pryniatych Rasijaj adnosna šeraha katehoryj pradukcyi, impartujemaj z krain, jakija ŭviali sankcyi ŭ adnosinach da rasijskich arhanizacyj i hramadzian.
«Z prezidentam Rasii my viali razmovu ab abaronie, jak jon skazaŭ, rasijskaha rynku, — adznačyŭ kiraŭnik dziaržavy. — Heta značyć, my pavinny vykanać svaje abaviazacielstvy pa abaronie sajuznaha rynku (u nas adzinaja mytnia ŭ mytnaj prastory) u častcy tranzitu hruzaŭ z Zachadu praź Biełaruś na rasijskuju terytoryju. Kali Rasija zakryła svoj rynak dla peŭnych tavaraŭ, to my hetyja tavary tranzitam praź Biełaruś u Rasiju prapuskać nie pavinny».
Łukašenka skazaŭ, što daŭ adpaviednyja rasparadžeńni mytnym orhanam. Kiraŭnik dziaržavy taksama padkreśliŭ, što biełaruski bok dziejničaje razumna, u narmalnym klučy.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ3
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary