Minskaja milicyja papiaredžvaje: iłžesacrabotniki praciahvajuć abkradać piensijanieraŭ + prykmiety
U stalicy znoŭ źjavilisia «sacyjalnyja rabotniki», jakija abkradajuć pažyłych ludziej. Tolki sioleta ŭ dvuch piensijanieraŭ, jakija pražyvajuć u Partyzanskim rajonie stalicy, byli skradzienyja hrašovyja srodki. Jak miarkujecca, va ŭsich vypadkach dziejničali adny i tyja ž žančyny cyhanskaj nacyjanalnaści.
Počyrk złamyśnic, u asnoŭnym, adnolkavy. Čaściej za ŭsio achviarami padmanu stanoviacca pažyłyja piensijaniery, jakija, z pryčyny ŭzrostu i inšych asablivaściaŭ, nie zaŭsiody mohuć zapomnić jakich-niebudź padrabiaznaściaŭ albo prykmiet złamyśnikaŭ.
Karystajučysia umieńniem uvachodzić u davier, žančyny pa nadumanych pryčynach pranikajuć u žyllo.
U adnych vypadkach złamyśnicy spasyłajucca na nieabchodnaść pravierki aciapleńnia abo kuchonnych plit, u inšych — prapanujuć dapamohu ŭ kupli praduktaŭ i vyrašeńni inšych bytavych pytańniaŭ.
Pakul adna z «sacrabotnic» adciahvaje achviaru razmovami, jaje chaŭruśnica znachodzić źbieražeńni i kaštoŭnyja rečy, paśla čaho hości sychodziać. I takija vypadki daloka nie adzinkavyja.
Paśla razmovy z usimi paciarpiełymi pravaachoŭnikami było ŭstanoŭlena, što prykmiety złamyśnicu va ŭsich vypadkach adnolkavyja. Taksama ŭ supracoŭnikaŭ milicyi jość zdahadka, što złačyncaŭ mahło być nie dvoje, a troje.
Na hety momant žančyny znachodziacca ŭ vyšuku.
Prykmiety padazravanych:
Pieršaja žančyna — cyhanskaj źniešnaści, na vyhlad 40-50 hadoŭ, rost 150-160 sm, siaredniaha ciełaskładu, vałasy čornyja z hryŭkaj. Była apranuta: biełaja kofta, štany.
Druhaja žančyna — słavianskaj źniešnaści, na vyhlad 55-60 hadoŭ, rost 175-180 sm, ščylnaha ciełaskładu. Była apranuta: ciomnaja kofta, doŭhaja spadnica.
Milicyja zaklikaje hramadzian być pilnymi pry kantaktach ź nieznajomymi ludźmi.
Nie varta paviedamlać starońnim svoj adras, rasparadak dnia. Nie śpiašajciesia puskać da siabie ludziej, jakija pradstaŭlajucca rabotnikami sacyjalnych słužbaŭ ci jakich-niebudź inšych ustanoŭ. Prasicie pradjavić dakumienty i nazvać poŭnuju nazvu arhanizacyi, paśla čaho ŭdakładnicie pa telefonie, ci pracuje tam taki supracoŭnik.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary