Z 1 žniŭnia ŭ sistemu elektronnaha zboru płaty za prajezd dadatkova ŭklučany 256 kiłamietraŭ aŭtamabilnych daroh Biełarusi, paviedamili ŭ pres-słužbie sistemy BelToll.
Adpaviednyja źmieny zaćvierdžany pastanovaj Savieta ministraŭ ad 23 lipienia № 710, jakaja nabyła moc 1 žniŭnia. U pieralik daroh, na jakich biarecca płata za prajezd transpartnych srodkaŭ šlacham sistemy elektronnaha zboru płaty, dadatkova ŭvajšli ŭčastki daroh:
M-5/Je 271 Minsk — Homiel (65—130 km), M-6 Ščučyn — Hrodna (214—287 km), M-7/Je 28 Minsk — Ašmiany — miaža Respubliki Litva («Kamienny Łoh») (57—148 km), R-1 Minsk — Dziaržynsk (8—35 km).
Razam z u viadzieńniem novych płatnych učastkaŭ daroh 1 žniŭnia adkrytyja 6 novych punktaŭ absłuhoŭvańnia klijentaŭ z kruhłasutačnym režymam pracy, dzie možna zarehistravacca ŭ sistemie BelToll, uziać pad załoh bartavoje prystasavańnie i papoŭnić rachunak. Novyja punkty absłuhoŭvańnia klijentaŭ buduć raźmiaščacca pa nastupnych adrasach: DP23 — Minsk, praśpiekt Dziaržynskaha, 132, AZS № 2 «Junajted kompani»; DP24 — Marjina Horka, 59-ty kiłamietr aŭtadarohi M-5, AZS № 2 «Biełarusnafta»; DP25 — vioska Syčkova, aŭtadaroha M-5, AZS № 29 «Biełarusnafta»; DP26 — Dziaržynsk, vuł. Minskaja, 40, AZS № 7 «Viesta»; DP27 — Ašmiany, aŭtadaroha M-7, 69-ty km, AZS № 10 «Junajted kompani»; DP28 — Ščučyn, aŭtadaroha M-6, AZS № 23 «Biełarusnafta».
Taksama dla zručnaści karystalnikaŭ BelToll isnujučy punkt absłuhoŭvańnia klijentaŭ KP1, raźmieščany ŭ Minsku na vulicy Brykieta, 31, ažyćciaŭlaje pracu ŭ kruhłasutačnym režymie.
-
Biełaruskija pamiežniki navučyli simpatyčnuju rasijanku pravilna nazyvać našu krainu. A taja mocna pakryŭdziłasia
-
Andrej Chadanovič zaprašaje na anłajn-kurs pra biełaruskuju paeziju ŭ kantekście suśvietnaj kultury
-
Śvisłackaja rajonka pasprabavała prapijaryć kiraŭnika rajvykankama — atrymałasia jak zaŭsiody
Kamientary