Ukraina i Biełaruś zaćvierdzili Pałažeńnie ab demarkacyi dziaržmiažy
Miensk i Kijeŭ nie mahli damovicca ab demarkacyi miažy na praciahu 16 hadoŭ.
Siońnia, 30 lipienia, adbyłasia cyrymonija padpisańnia Pahadnieńnia pamiž ukrainskim Kabinietam ministraŭ i biełaruskim uradam ab zaćviardžeńni Pałažeńnia ab demarkacyi dziaržaŭnaj miažy pamiž Ukrainaj i Respublikaj Biełaruś. Cyrymonija prajšła ŭ Čarnihavie, paviedamlaje UNIAN.
Dakumient padpisali kiraŭniki delehacyj Supolnaj ukrainska-biełaruskaj demarkacyjnaj kamisii — pasoł u asobych daručeńniach MZS Ukrainy Leanid Asavaluk i načalnik Upraŭleńnia delimitacyi i demarkacyi dziaržaŭnaj miažy Dziaržpamiežnaha kamiteta RB Alaksandr Archipaŭ.
Čynoŭniki padkreślili, što Pałažeńnie ab demarkacyi miažy było adpracavanaje ciaham doŭhaha času. Ułasna padrychtoŭka dakumientaŭ doŭžyłasia ź vieraśnia 2013 hoda, u minułym hodzie ŭ listapadzie byŭ ustalavany pieršy znak na ŭkrainska-biełaruskaj miažy.
Asavaluk patłumačyŭ, što zaćviardžeńnie Pałažeńnia dazvolić aktyvizavać demarkacyju ŭkrainska-biełaruskaj miažy.
Dakumient praduhledžvaje paradak abaznačeńnia miažy i naniasieńnie jaho abaznačeńnia na miascovaść. «Uzhodnienyja ŭsie pytańni. Hałoŭnaje, što ŭmiejem damaŭlacca. I ŭsie sprečnyja pytańni raźviazalisia, jak pamiž dvuma dobrymi susiedziami», - padkreśliŭ kiraŭnik ukrainskaj delehacyi.
Damova pamiž Ukrainaj i Biełaruśsiu ab dziaržaŭnaj miažy była padpisanaja 12 traŭnia 1997 hoda.
Dakumient byŭ ratyfikavany Viarchoŭnaj Radaj Ukrainy 18 lipienia taho ž hoda, ale nie byŭ ratyfikavany Nacyjanalnym schodam Biełarusi.
Biełaruski bok raniej naŭprost źviazvaŭ pytańnie ratyfikacyi damovy ab dziaržaŭnaj miažy sa spłataj Ukrainaj zapazyčanaści.
Jana pavodle roznych acenk składaje ad $80 młn da $ 150 młn. U toj ža čas, niama dakumientalnaha paćvierdžańnia sumy zapazyčanaści, jakaja ŭźnikła z pačatku 90-ch hadoŭ. Biełaruski bok śćviardžaje, što jaho pradpryjemstvy paśla razvału SSSR pieraličyli ŭkrainskim hrošy za vypuščanuju, ale nie pastaŭlenuju pradukcyju.
Ukraina, u svaju čarhu, zajaŭlała, što nie razhladaje hetuju zapazyčanaść jak dziaržaŭnuju.
Tolki 18 traŭnia 2013 hoda ŭ Kijevie ŭ prysutnaści Janukoviča i Łukašenki byŭ padpisany pratakoł ab abmienie hramatami ab ratyfikacyi damovy pamiž Ukrainaj i Biełaruśsiu ab dziaržaŭnaj miažy ad 12 traŭnia 1997 hoda.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary