Terarysty z «Łuhanskaj narodnaj respubliki» razam z žurnalistami rasijskaj «Kamsamolskaj praŭdy» dapytali pałonnaha ŭkrainskaha aficera — Nadzieju Saŭčanka.
Nadzieja rodam z Kijeva. Jana — staršy lejtenant, joj 33 hady, u vojsku słužyć 10 hadoŭ.
Častka hutarki raspaŭsiudžanaja na videa, druhaja častka — u rasijskim vydańni ŭ formie intervju.
— Jak vas złavili?
— Mianie złaviŭ moj ukrainski narod, a nie vy, ruskija.
— Nie spračajusia, i ŭsio ž, jak sprava vyhladała?
— Ja išła za našymi paranienymi. La pasiołka Mietalist byli padbityja dva našych BTRy, voś i pajšła za paranienymi.
— Navošta vy pryjšli sa zbrojaj na hetuju ziamlu?
— Heta naša ziamla.
— Davajcie nazyvać rečy svaimi imionami. U Kijevie chunta ździejśniła dziaržaŭny pieravarot, zrynuła zakonnaha prezidenta, naviazała svaje paradki. A tut ludzi nie zachacieli padparadkoŭvacca chuncie. Jany majuć prava žyć pa svaich pierakanańniach?
— Jany nie chočuć padparadkoŭvacca Kijevu, ale chočuć padparadkoŭvacca Maskvie.
— Dy chaj zachočuć padparadkoŭvacca choć Handurasu. Majuć prava?
— Narod zaŭsiody maje prava.
— Dyk što vy ad ich chočacie?
— A što choča ad nas Rasija svaje umiašańniem?
— Kali b Rasija chacieła ŭmiašacca, to daŭno b tut naviała paradak. A pakul my tolki nazirajem.
— … U mianie jość žadańnie, kab našyja ludzi Ukrainy razabralisia va ŭsim, i pierastali pamiž saboj vajavać.
— Kali vas vypuściać na volu, vy znoŭ pryjdziecie siudy sa zbrojaj?
— Mianie nie vypuściać, mianie zabjuć. Pryčym zabjuć vašyja rasijskija ŭłady pa tych abvinavačańniach, jakija mnie prypisvajuć.
***
Jašče ŭ sakaviku 2011 hoda pra Nadzieju źniali pieradaču. Pieršyja asacyjacyi, jakija źjaŭlajucca pry jaje prahladzie — heta «sałdat Džejn». Słužyła ŭ Iraku.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro10
Kamientary