U noč z 13 na 14 červienia terarysty padbili transpartny samalot Pavietranych sił Uzbrojenych sił Ukrainy Ił-76, jaki zachodziŭ na pasadku ŭ aeraporcie Łuhansk.
U samalot trapili ź zienitnaj ŭstanoŭki i bujnakalibiernaha kulamiota.
Kiraŭnictva Minabarony, Hienieralnaha štaba VSU i Pavietranych sił VSU «vykazvaje ščyryja spačuvańni baćkam, rodnym i blizkim zahinułych vajennasłužačych u suviazi z trahičnaj niepapraŭnaju strataj».
Samalot nad łuhanskim aeraportam byŭ źbity ŭzbrojenaj hrupiroŭkaj «ŁNR».
Hetuju infarmacyju Radyjo Svaboda paćvierdziła Aksana Čyhryna, pradstaŭnik pres-słužby štaba tak zvanaj «Łuhanskaj narodnaj respubliki», jakaja pryznanaja terarystyčnaj arhanizacyjaj.
«Samalot źbili apałčency. Byŭ parušany zahad Bałotava nakont zakrytaj pavietranaj prastory nad Łuhanskam. U dakumiencie havaryłasia, što ŭ vypadku parušeńnia zahadu, buduć pryniatyja adpaviednyja miery», — skazała Čyhryna.
Na borcie samalota, akramia 9 členaŭ ekipaža, znachodzilisia 40 vajskoŭcaŭ. Usie jany zahinuli. Prakuratura adkryła kryminalnuju spravu pa artykule «terakt».
Na 15 červienia va Ukrainie abjaŭleny Dzień žałoby.
Momant vybuchu samalota zafiksavali kamiery nazirańnia.
Jak paviedamlajuć ukrainskija ŚMI, samalot pieravoziŭ 40 dnieprapiatroŭskich desantnikaŭ. Akramia vajskoŭcaŭ, na borcie byli technika, ryštunak i pradukty.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary