Bajeviki niekalki razoŭ sprabavali prarvacca z Ukrainy ŭ Rasiju.
Zdareńnie adbyłosia ŭ Łuhanskaj vobłaści. Ukrainski pamiežny narad «Krasnadon» vioŭ bai. Spačatku pamiežniki zaŭvažyli sprobu troch KamAZaŭ prarvacca pa-za punktam propusku va Ukrainu. Na papieradžalnyja streły jany nie spynialisia. Tady ŭkraincy adkryli ahoń na paražeńnie, paśla čaho hruzaviki raźviarnulisia i źjechali na rasijskuju terytoryju.
Paśla hetaha ŭ adździeł pamiežnaj słužby «Staničnaja Łuhanskaja» pryjechała hrupa z 30 čałaviek, uzbrojenaja aŭtamatami i kulamiotami. Jany zapatrabavali vyzvalić pamiaškańnie pamiežnaha padraździaleńnia. Ukrainskija pamiežniki admovilisia i vyklikali padmacavańnie. Pačaŭsia boj. Terarysty vykarystoŭvalisia aŭtamaty, kulamioty, hranatamioty i ručnyja hranaty, adnak pamiežniki ataku adbili.
Jaje paviedamlaje UNIAN, praź niekalki hadzinaŭ pačaŭsia druhi šturm. Na hety raz bajevikoŭ prykryvali snajpiery. Ale i hetaja ataka była adbitaja, jak i nastupnaja, jakaja pačałasia praz hadzinu. Pamiežniki źniščyli dźvie ahniavyja kropki snajpieraŭ i… darožny katok, jakim napadniki sprabavali złamać bramu, kab uvarvacca na terytoryju padraździaleńnia. Siarod pamiežnikaŭ jość paranienyja i kantužanyja. Pra straty terarystaŭ ničoha nieviadoma.
UNN dadaje, što kala pamiežnaha punkta pa-raniejšamu dziejničajuć snajpiery. Kiraŭnictva antyterarystyčnaj apieracyi paviedamlaje, što ŭ rajon pierakinutyja reziervy pamiežnikaŭ, rychtujecca sumiesnaja apieracyja z metaj likvidacyi bajevikoŭ.
Nahadajem, ukrainskija siłaviki papiaredžvali, što bajeviki rychtujuć praryŭ praź miažu ŭ Rasiju. Z saboj jany źbiralisia vyvieźci trupy zahinułych u bajach.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony3
Kamientary