Arhanizacyja Save the Children («Vyratujcie dziaciej») apublikavała śviežy rejtynh «Indeks maciarynstva — 2014», dzie praanalizavany danyja pa ŭmovach dla maciarynstva ŭ 178 krainach śvietu. Biełaruś zaniała 26-je miesca i abyšła takija krainy, jak Izrail (28-i radok), Polšča (29), ZŠA (31), Japonija (32). Adnolkavuju pazicyju ź Biełaruśsiu zajmaje Vialikabrytanija.
U 2013 hodzie Biełaruś taksama raźmiaščałasia na 26-m radku rejtynhu.
Druhi hod zapar lepšaj krainaj śvietu dla maciarynstva ekśpierty Save the Children pryznajuć Finlandyju. Dalej u śpisie znachodziacca Narviehija, Šviecyja, Isłandyja i Niderłandy, Danija, Ispanija, Hiermanija, Aŭstralija, Bielhija i Italija.
Litva ŭ biahučym hodzie zaniała 24-je miesca, Łatvija — 34-je, Rasija — 62-je, Kazachstan — 63-je, Ukraina — 72-je, Armienija — 95-je, Azierbajdžan — 99-je, Uźbiekistan — 111-je.
Najhoršaja pazicyja ŭ Samali.
Rejtynh farmirujecca na padstavie danych SAAZ i ŭličvaje piać asnoŭnych paramietraŭ: śmiarotnaść paradzich, rańniaja śmiarotnaść u dziaciej, siaredniaja praciahłaść navučańnia ŭ škole, dachody žančyn, praporcyja žančyn i mužčyn va ŭradzie.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary