Na sustrečy 29 krasavika ŭ Minsku Alaksandr Łukašenka zaklikaŭ Uładzimira Pucina i Nursułtana Nazarbajeva da «ščyraj mužčynskaj razmovy».
Jon zajaviŭ, što nie varta pieratvarać intehracyju Biełarusi, Kazachstana i Rasii ŭ praces dziela pracesu, paviedamlaje dziaržaŭnaje ahienctva BiełTA. Havoračy pra stvareńnie Jeŭrazijskaha ekanamičnaha sajuza (JEAES), Łukašenka zajaviŭ: «Nas nichto nie šturchaje ŭ śpinu, usie hrafiki my ŭstanaŭlivajem sami. Ale mnie zdajecca, pieratvarać u praces dziela pracesu zhodna z pryncypam «važny nie vynik, a ŭdzieł», nam heta nie treba».
Pavodle słoŭ Łukašenki, ad taho, nakolki efiektyŭnym budzie sajuz, zaležyć jaho pryciahalnaść dla inšych krain. «Ale i sam sajuz pavinien nabyvać bolšaje adzinstva ad svajho pašyreńnia», — padkreśliŭ jon.
«1 studzienia 2015 hoda my pavinny budziem adkazać na pytańni našych hramadzian: kudy my pryjšli, što ŭ vyniku atrymali našy dziaržavy. Adkazy ŭ nas pavinny być», — pierakanany Łukašenka.
Jon taksama adznačyŭ, što biełaruski bok prytrymlivajecca pazicyi ab metazhodnaści pryniaćcia novych členaŭ zhodna z pakietnym pryncypam biez davańnia asablivych umoŭ i statusaŭ.
«Liču, što heta budzie spraviadliva, u pieršuju čarhu ŭ dačynieńni da našych krain, jakija ŭ poŭnaj stupieni prajšli etapy intehracyjnaha pracesu, vypakutavali jaho», — skazaŭ Łukašenka.
«Biez ščyraj, ja b skazaŭ, mužčynskaj razmovy siońnia nie abyścisia, — pierakanany jon. — U Biełarusi jość svajo bačańnie najaŭnaj situacyi, i my hatovy adkryta, pa-partniorsku pra heta havaryć, tak, jak my heta zrabili ŭ pieršaj častcy našaj razmovy. My hetamu pryśviacili amal dźvie hadziny, abmieńvajučysia mierkavańniami pa ekanamičnych pytańniach, pa tych prablemach, jakija ŭ nas paŭstajuć, i pa pierśpiektyvach našych adnosinaŭ, a taksama pa niekatorych pytańniach mižnarodnaha stanovišča».
Na dumku Łukašenki, siońnia nastupiŭ vielmi važny momant. «Chaciełasia b, kab vy, pavažanyja maje siabry, pakidajučy Minsk, byli ŭ dobrym nastroi. Heta budzie zaležać ad tych rašeńniaŭ, jakija my z vami prymiem», — dadaŭ biełaruski kiraŭnik.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro10
Kamientary