Taruta «na palcach» patłumačyŭ, što čakaje Danieck ŭ vyniku sieparatyzmu
Staršynia Danieckaj abłdziaržadministracyi Siarhiej Taruta zaklikaŭ meraŭ i kiraŭnikoŭ rajonaŭ tłumačyć nastupstvy źjaŭleńnia «Danieckaj narodnaj respubliki».
Pra heta jon skazaŭ u chodzie narady z kiraŭnikami rajdziaržadministracyj i haradskimi hałavami Danieckaj vobłaści.
«Naša pramysłovaść pracuje na hłabalnych rynkach… Lubyja niejkija tut utvareńni ŭ vyhladzie respubliki aznačajuć niepryznanuju terytoryju z usimi sankcyjami: ni vyjechać, ni pradać nikudy nielha. Heta treba budzie danosić prostym hramadzianam», — patłumačyŭ Taruta
«Heta aznačaje nastupnaje: praz dva miesiacy płacić piensiju nichto nie budzie, nie budzie adkul jaje atrymlivać», — skazaŭ jon.
«Šachcioram zarabotnaj płaty nie budzie, tamu što niama kudy realizoŭvać vuhal, usim ilhotnikam — mamam ź dziećmi, invalidam — taksama nie budzie adkul brać hrošaj, tamu što pastupleńniaŭ nijakich nie budzie», — rastłumačyŭ Taruta.
«Unutry siabie my hetuju pradukcyju nie jamo, akramia, moža być, sielskaj haspadarki i charčovych praduktaŭ. Usio astatniaje realizujecca za miežy Danieckaj vobłaści», — zajaviŭ hubiernatar, dadaŭšy, što słova ciapier źjaŭlajecca hałoŭnaj zbrojaj.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?11
Kamientary