U vyniku realizacyi Respublikanskaj prahramy pa plemiannoj spravie ŭ žyviołahadoŭli na 2011-2015 hady bolš za 40 miljardaŭ rubloŭ vykinuta na viecier. Takija dadzienyja apublikavaŭ Kamitet dziaržaŭnaha kantrolu.
Adpaviednyja materyjały pravierki KDK nakiravaŭ u pravaachoŭnyja orhany.
Jak było adznačana na kalehii KDK, štohod na raźvićcio plemiannoj spravy ŭ Biełarusi nakiroŭvajucca miljardy rubloŭ, ale z hodu ŭ hod prahrama nie vykonvajecca. Pry hetym Ministerstva sielskaj haspadarki i charčavańnia, abłvykankamy i HA «Biełplemžyŭabjadnańnie», jakija pavinny nie tolki sami aktyŭna ŭdzielničać u realizacyi prahramy, ale i ažyćciaŭlać nahlad za jaje chodam, faktyčna vykonvajuć svaje abaviazki nie svaimi rukami.
KDK nie raz infarmavaŭ urad ab vyjaŭlenych niedachopach i niekatoryja momanty atrymałasia sumiesnymi namahańniami vypravić, ale čarhovyja pravierki pakazali, što mnohija ŭkazańni kiraŭnictva krainy ihnarujucca adkaznymi asobami, u vyniku čaho pa-raniejšamu dziesiatki miljardaŭ rubloŭ albo traciacca nie na tyja mety, albo całkam nie efiektyŭna.
Tak tolki ŭ 2013 hodzie na realizacyju prahramy pa raźvićci plemiannoj spravy ź biudžetu było nakiravana kala 200 miljardaŭ rubloŭ, ale zamiest pryrostu plemiannoj spravy byŭ atrymany jaho zaniapad. Pavodle dadzienych KDK, za 2013 hod u krainie było atrymana na 10,9% plemiannych cialataŭ mienš, čym u 2012 hodzie. Pry hetym asnoŭnymi pakupnikami cialat źjaŭlajucca nie sielskahaspadarčyja arhanizacyi, a miasakambinaty. Naprykład, KSUP «Plemianny zavod «Družba» nakiravaŭ u haspadarki ŭ 2011 hodzie ŭsiaho 4,7% ad vypuščanych byčkoŭ, a ŭ 2012 hodzie — 4,1%. Usie astatnija pajšli na miasa. Anałahičnaja situacyja i na HP «Plemzavod «Lenin», dzie realizavana na plemiannyja mety ŭsiaho 7% ad vyrablenych plemiannych śviniej.
Na dumku KDK, usio heta adbyvajecca pry biezuvažnaści Minsielhascharča i abłvykankamaŭ, jakija svaimi dziejańniami faktyčna padšturchoŭvajuć niekatoryja plemiannyja arhanizacyi na atrymańnie darmovych hrošaj, kab potym patracić ich zusim nie na tyja mety, jakija zajaŭleny. Jany zajaŭlajuć jak plemiannych žyvioł, jakija na samaj spravie takimi nie źjaŭlajucca. Tak SVK «Paleskaja niva» zajaviła jak plemiannych 78 byčkoŭ, banalna padrabiŭšy dakumienty. Pry hetym dapamohu haspadarcy ŭ hetym akazali rajonnyja ŭłady. U vyniku haspadarkaj nieabhruntavana atrymana 1,2 miljarda rubloŭ.
Asabliva turbuje KDK impart śpiermy byčkoŭ, 98 % jakoha, na sumu amal 3 miljony dalaraŭ, addadziena na vodkup pryvatnym strukturam. Pry hetym, jak praviła, pasiaredniki ŭžyvajuć pry pastaŭkach 100 % nadbaŭku.
Jak było zajaŭlena na kalehii KDK, u vyniku realizacyi prahramy pa raźvićci plemiannoj spravy, bolš za 2 miljardy rubloŭ byli atrymanyja niezakonna i vykarystanyja całkam na inšyja mety. Jašče bolš za 44 miljardy rubloŭ byli vykarystanyja nie efiektyŭna.
Taksama pravierki vyjavili masavyja parušeńni vieterynarna-sanitarnych praviłaŭ, u vyniku čaho adbyvałasia masavaje vybyćcio plemiannych cialataŭ z-za chvarob. Asnoŭnaja pryčyna takoha stanu spraŭ — adsutnaść u arhanizacyjach kvalifikavanych zaatechnikaŭ i vieterynaraŭ.
Vyniki pravierak nakiravany ŭ pravaachoŭnyja orhany dla dačy pravavoj acenki dziejańniam słužbovych asob, a taksama va ŭrad i ŭ zacikaŭlenyja viedamstvy.
Kamientary