Lider Libieralna-demakratyčnaf partyi Rasii Uładzimir Žyrynoŭski paprasiŭ prabačeńnia ŭ abražanaj im žurnalistki MIA «Rasija siońnia». Palityk vybačyŭsia ŭ prostym efiry padčas prahramy «Niadzielny viečar z Uładzimiram Sałaŭjovym» na telekanale «Rasija -1», paviedamlaje RIA «Naviny».
«U piatnicu ŭ Dumie pry znosinach z presaj ja ŭ kancy, adkazvajučy na pytańni, troški hruba pahavaryŭ, adkazaŭ dziaŭčynie. Ja jaje navat nie bačyŭ pierš, i, akazvajecca, jana była ŭ stanoviščy, ciažarnaja. Ja joj prynošu prabačeńni i naohuł usim, kali kahości moh pakryŭdzić. Stały viek pavinien mudraściu zakryvać lubyja emocyi. My ich zaŭsiody pavinny staracca strymlivać, kab ludzi nie kryŭdzilisia na nas», - skazaŭ Žyrynoŭski.
Lider ŁDPR taksama adznačyŭ, što ŭ vypadku nieabchodnaści jon hatovy dapamahčy žurnalistycy materyjalna.
«Kali joj, u suviazi ź jaje stanoviščam i mahčymym zvarotam, niejkija miedycynskija pasłuhi spatrebiacca, niejkija vydatki, ja hatovy joj akazać materyjalnuju dapamohu», — skazaŭ jon.
U piatnicu padčas padychodu da presy, karespandentka MIA «Rasija siońnia» spytała Žyrynoŭskaha, ci varta Rasii ŭvodzić sankcyi ŭ adkaz na ŭviedzienuju Ukrainaj zabaronu na ŭjezd rasiejcaŭ.
U adkaz Žyrynoŭski pačaŭ vykrykvać abrazy ŭ adras žurnalistki, a zatym abražać i kalehaŭ žurnalistku, što zastupilisia za dziaŭčynu. Vidać, jon pryniaŭ jaje za ŭkrainskuju žurnalistku, bo kryčaŭ pry hetym pra Majdan.
Kamientary