Kandydat u prezidenty Ukrainy ad Partyi rehijonaŭ Michaił Dobkin zajaŭlaje, što 9 krasavika jaho aśvistali i źbili ŭ Łuhansku za toje, što admoviŭsia sa sceny padtrymlivać adłučeńnie rehijonu ad Ukrainy.
Pra heta Dobkin skazaŭ siońnia, 16 krasavika, padčas pres-kanfierencyi ŭ Charkavie.
Pa słovach kandydata, padčas vizitu ŭ Łuhansk jon pryniaŭ zaprašeńnie mitynhoŭcaŭ i pajšoŭ u budynak SBU, kab vystupić na mitynhu prychilnikaŭ fiederalizacyi.
«Vy ž na videa bačycie tolki zaviaršalnuju stadyju, a pačatak ža nichto nie pakazvaje. Ja pryjšoŭ tudy ź vialikaj hrupaj łuhanskich tavaryšaŭ. Z usich puścili tolki mianie i mera, i toje mera tolki da peŭnaj miažy… Za redkim vyklučeńniem mianie sustrakali burnymi vokličami i krykami vitańnia. Kali ja padyšoŭ da mitynhu, i viadučy skazaŭ, što da nas pryjšoŭ Michaił Dobkin, usie stali vielmi hučna plaskać u dałoni, i skandavać majo proźvišča, i prasić vystupić», — raspavioŭ Dobkin.
Pavodle jaho słoŭ, niahledziačy na heta, jon admoviŭsia sa sceny vykazać padtrymku adłučeńniu Łuhanskaj vobłaści ad Ukrainy z nastupnym dałučeńniem da Rasii.
«Jany spačatku zadali mnie pytańnie, ci hatovy ja z trybuny impravizavanaj padtrymać refierendum. Ja spytaŭ, jaki. Jany kažuć, ab adłučeńni Łuhanskaj vobłaści ad Ukrainy i dałučeńni da Rasijskaj Fiederacyi. Ja kažu: «Nie»», — raspavioŭ Dobkin.
Pa słovach kandydata ŭ prezidenty, jon pierakonvaŭ mitynhoŭcaŭ, što heta nie supadaje ź jaho pierakanańniami i pohladami.
«Ja pačaŭ vychodzić na vulicu. Mitynhoŭcy paprasili vystupić sa sceny. Ja rastłumačyŭ: mnie niama z čym vystupać. Toje, što mianie prosiać skazać, i toje, što vy chočacie pačuć, ja kazać nie budu. A toje, što ja chaču skazać, vam budzie niecikava. Tamu, ja dumaju, što lepš budzie dla ŭsich, kali ja vystupać nie budu. I pačaŭ sychodzić, a dalej pajšło toje, što vy bačyli na videa», — skazaŭ Dobkin.
«Ja nikoli ŭ takich situacyjach nie kažu toje, što pryjemna čuć čałaviečamu vuchu, a kažu praŭdu», — dadaŭ jon.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary