Kandydat u prezidenty Julija Cimašenka ličyć, što nielha ŭžyvać siłu suprać uzbrojenych bajevikoŭ na ŭschodzie Ukrainy.
Pra heta jana skazała ŭ intervju «Padziejam tydnia» na telekanale «Ukraina» ŭ niadzielu.
Na jaje dumku, isnuje dva šlachi vychadu ź situacyi.
«Pieršy šlach — nieadkładnaje prymianieńnie siły, jakoje amal napeŭna pryviadzie da maštabnaha krovapralićcia, i, chutčej za ŭsio, da ahresii ŭ adkaz Rasijskaj Fiederacyi. Hety varyjant adkaznyja kiraŭniki krainy, na moj pohlad, tak prosta pryniać nie mohuć», — zajaviła Cimašenka.
Zamiest hetaha, na jaje dumku, ułady Ukrainy pavinny vyrašyć prablemu šlacham pieramovaŭ na samym vysokim suśvietnym uzroŭni.
«Druhi varyjant — heta viadzieńnie pieramovaŭ na samym vysokim suśvietnym uzroŭni. I siońnia ŭsie na heta spadziajucca. Kali ŭ Ženievie źbirajucca, praktyčna, pieršyja asoby mižnarodnych viedamstvaŭ, takich značnych hulcoŭ, heta kaža pra toje, što ŭvieś śviet zaraz zasiarodžany na Ukrainie i sprabuje vyrašyć ŭkrainskija prablemy», — adznačyła jana.
Ciapier čytajuć
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ8
Kamientary