Pieršy raz nie pavinien być paśpiachovym na sto adsotkaŭ, pieršy raz moža być strašna i tryvožna, adnak pieršy raz pavinien być admietnym. Parady, jak cnatliŭcam pieraadoleć strach i soram i zrazumieć, što seks — tolki častka dobraha sumiesnaha žyćcia.
1. Seksualnaść — vialikaja častka našaj tojesnaści i zabiaśpiečvaje asnoŭnyja patreby ŭ dušeŭnym ciaple, biaśpiecy i kachańni. Zhetul: luboščy — nie meta, a taksama chaj sabie nieabchodnaja, ale tolki častka pa darozie da dobraha sužyćcia i dušeŭnaha zdaroŭja čałavieka.
2. Nie pierajmajciesia, pieršy raz – nie apošni raz! Na pamyłkach, u tym liku padčas pieršaha razu, vučacca.
3. U dotykach — abdojmach, pieščach, łaščańniach — jość vialikaja važnaść. Dakranańni majuć upłyŭ nie tolki na fizičnyja paramietry, ale i na dušeŭnyja, pahatoŭ u datklivyja imhnieńni pieršaha razu. Tamu vielmi važna śpiarša miłavacca, nie pierachodziačy adrazu da połavaha aktu.
4. Biblijny zapaviet «Abychodźsia ź blizkim čałaviekam, jak ty chočaš, kab jon abychodziŭsia z taboju» pakińcie dla žyćcia. U luboščach važna daviedacca pra admietnyja žadańni i čullivyja miescy partniora, jakija vielmi časta mocna roźniacca z vašymi. Kožny choča piaščoty, ale kožny ŭkładaje ŭ hetaje słova svoj sens. Tamu cnatlivyja pary pierad pieršym razam pra ŭpadabańni partniora mohuć daviedacca zahadzia.
5. Moŭča, soram i niaščyraść — vorahi intymnaści. Amal usio možna pamianiać i palepšyć. Pry ŭmovie, što kožny budzie viedać, što zaminaje i što ŭściešvaje partniora. I nie zabudźciesia padrychtavać atmaśfieru: śviečki, pachoščy, prycišanaje śviatło – tak, jak vam daspadoby.
6. Para cnatliŭcaŭ čaściakom pierajmajecca, jak budzie pavodzicca ich seksualnaść u momant iściny, ci zdolejuć jany dać rady. Cnatliŭcy! Pamiatajcie, što pobač taksama čałaviek, jaki taksama krychu napałochany i mocna ŭsturbavany. Padtrymajcie jaho — hetak supakoiciesia sami.
7. Naša pačućcio zdavolenaści žyvicca taksama asałodaj partniora. Budzie vielmi fajna, kali kožny z partnioraŭ zasiarodzicca na davańni asałody. Pieramožcami zrobiacca abodva baki.
-
Ukrainskaja madel zhulała z hruzinskim biznesmienam viasielle ŭ Kanach na 5 miljonaŭ jeŭra. Viadučymi byli Jaŭhien Pierlin i Maksim Hałkin
-
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
-
«Dziaŭčaty, heta realna pracuje!» Niaviesta Pratasieviča raskazała, jak pryvaražyła budučaha muža čyrvonymi trusami
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii11
Kamientary