Pavodle acenki ŭdzielnikaŭ inicyjatyvy «Pravaabaroncy za svabodnyja vybary», kampanija pa «vybarach» deputataŭ miascovych savietaŭ była «vielmi depalityzavanaj», a praces pravierki podpisaŭ za vyłučeńnie kandydataŭ «tatalna zakrytym».
Usie miascovyja saviety ŭ krainie, jak i Nacyjanalny schod, składajucca z pradstaŭnikoŭ adnoj palityčnaj siły — łukašenkaŭcaŭ. Arhanizavanaj apazicyi ŭ savietach niama ad 1996 hoda.
U kancy 1990-ch i na pačatku 2000-ch hramadstva jašče vieryła, što na vybarach možna niešta źmianić. Kali pryjšło razumieńnie, što sistema heta vyklučaje, staŭleńnie da ŭsich vybaraŭ, akramia prezidenckich, stała apatyčnym.
Telebačańnie i radyjo ŭ krainie taksama faktyčna pryvatyzavany łukašenkaŭcami. A samaje hałoŭnaje, što vybarčyja kamisii składajucca amal z adnych łukašenkaŭcaŭ, padlik hałasoŭ arhanizavany takim čynam, što jaho nielha pravieryć.
Tamu ŭdzieł nasielnictva ŭ vybarčych kampanij nijaki. Skažam, na hetych miascovych vybarach u siarednim na adno miesca pretenduje 1,2—1,3 kandydata. Z navinak kampanii možna adznačyć tolki toje, što pavodle novaha zakanadaŭstva ahitacyja za bajkot vybaraŭ ciapier zabaronienaja.
Kamientary