Surjoznyja źmianieńni zakranuć unutranyja vojski MUS Biełarusi, paviedamiŭ ministr unutranych spraŭ Ihar Šunievič, adkazvajučy na pytańni ŭ čas pramoj linii ŭ redakcyi haziety «Sovietskaja Biełoruśsija».
«Surjoznyja źmianieńni zakranuć i ŭnutranyja vojski. My płanujem zrabić ich bolš sučasnymi, kab jany mahli bolš efiektyŭna ŭpłyvać na novyja vykliki, ryzyki i pahrozy», - skazaŭ ministr, adkazvajučy na pytańnie nakont reformy MUS. Jon taksama paviedamiŭ, što ŭ 2013 hodzie była skaročana kolkaść niekatorych słužbaŭ, inšyja ž, naadvarot, byli ŭzmocnieny. «Skasavana, naprykład, upraŭleńnie ŭnutranych vojskaŭ na transparcie, sa struktury MUS vyviedzieny ekśpiertnyja padraździaleńni, jakija ŭvajšli ŭ skład Dziaržaŭnaha kamiteta sudovych ekśpiertyz. Za hod da hetaha byŭ stvorany Śledčy kamitet, asnovu jakoha skłała papiaredniaje rasśledavańnie ministerstva», — rastłumačyŭ Ihar Šunievič.
Pavodle słoŭ ministra, adna z asnoŭnych zadač reformy — zaścierahčy MUS ad nieŭłaścivych viedamstvu funkcyj. «U pieršuju čarhu ja maju na ŭvazie słužbu ŭčastkovych inśpiektaraŭ milicyi.
Na žal, istotnych palapšeńniaŭ za apošnija hady ŭ hetym płanie nie adbyłosia. Siońnia, jak i raniej, učastkovy - archiskładanaja prafiesija, jakuju asvoić nie kožny, i nie kožny zmoža naležnym čynam vykanać hetu rabotu», — adznačyŭ kiraŭnik MUS.
Akramia taho, havoračy ab kadrach, ministr padkreśliŭ, što zajaŭki kandydataŭ ź liku vajennasłužačych unutranych vojskaŭ (patrulnyja padraździaleńni i padraździaleńni śpiecyjalnaha pryznačeńnia) na słužbu ŭ orhany ŭnutranych spraŭ razhladajucca ŭ pieršuju čarhu.
«Jany znajomy sa śpiecyfikaj zadač, jakija vykonvaje milicyja. A kali čałaviek da taho ž siabie dobra zarekamiendavaŭ, maje stanoŭčyja vodhuki kiraŭnikoŭ, to jon nie zastaniecca niezaŭvažanym», — rastłumačyŭ Ihar Šunievič. Jon taksama paviedamiŭ, što ŭ 2014 hodzie vyrašana pavialičyć na 10 pracentaŭ kvoty pastupleńnia ŭ milicejskuju VNU dla dziaŭčat.
Kamientary