Hatel z saŭnaj u byłym klaštary biernardzincaŭ u Minsku adčyniać u krasaviku
Staršynia Minharvykankama Mikałaj Ładućka zastaŭsia zadavoleny tempami budaŭnictva haściničnaha kompleksu katehoryi «čatyry zorki» ŭ budynku byłoha klaštara biernardzincaŭ u Vierchnim horadzie. Pra heta jon paviedamiŭ žurnalistam padčas aznajamleńnia z budaŭnictvam 12 lutaha.
«Pracy, jak my pierakanalisia, znachodziacca na zaviaršalnaj stadyi, - adznačyŭ Ładućka. — Užo pryznačany dyrektar haścinicy i dyrektar restarana, idzie padbor piersanału. Abjekt budzie ŭviedzieny ŭ ekspłuatacyju ŭ sakaviku, i spadziajusia, što z krasavika tut užo buduć žyć pastajalcy. Da adkryćcia budzie vyznačana i nazva haścinicy».
Zakazčykam abjekta vystupaje kamunalnaje pradpryjemstva «Minskaja spadčyna», padradčyk — AT «Minskprambud». Haścinica składajecca z dvuch kompleksaŭ i raźličana na 48 numaroŭ. Pry haścinicy budzie dziejničać restaran, sauna i trenažornaja zała, paviedamiŭ BiełaPAN.
Rašeńnie rabić hatel u budynku byłoha klaštaru było pryniataje ŭ 2007 hodzie. Minskija vierniki dvaccać hadoŭ damahalisia viartańnia adabranaha jašče ŭ 1863 h. klaštara z kaściołam Śviatoha Jazepa.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary