Premjer-ministr Biełarusi Michaił Miaśnikovič u intervju prahramie «Karcina śvietu» na telekanale «RTR-Biełaruś», pakazanym u efiry ŭviečary 8 lutaha, zajaviŭ, što krainie patrebna biespracoŭje.
Razvažajučy nad pytańniem ab adkaznaści kadraŭ, kiraŭnik biełaruskaha ŭrada adznačyŭ: «My šmat havorym ab adkaznaści dyrektara, hałoŭnaha kanstruktara — heta ŭsio zrazumieła. Ale kali sotniami z pradpryjemstva zvalniajucca za parušeńnie pracoŭnaj i vytvorčaj dyscypliny i potym pierachodziać na druhi bok vulicy i uładkoŭvajucca na novaje pradpryjemstva — tak być nie moža. Pavinien być rynak pracy.
Kali toj ža rabočy nie budzie adčuvać dychańnia ŭ patylicu — jon abaviazkova budzie pracavać drenna. Prynamsi, nie zaŭsiody jakasna».
Adkazvajučy na pytańnie viadučaha prahramy Juryja Kazijatki, ci patrebna biespracoŭje, Miaśnikovič zajaviŭ: «Patrebna». 3-4%, pa jaho słovach, heta narmalna.
«Kali my havorym ab rynkavych adnosinach, to pavinien być rynak pracy. I najmalnik na rynku pracy maje prava vybirać lepšych», — kanstatavaŭ premjer-ministr.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert3
Kamientary