Jon chvareŭ na lejkiemiju.
«Ja tolki što daviedaŭsia pra śmierć Hieny, — kaža historyk, były deputat Viarchoŭnaha Savieta Valancin Hołubieŭ. — Heta byŭ vielmi aktyŭny čałaviek, adrazu paśla katastrofy jon pačaŭ vyvozić dziaciej na azdaraŭleńnie za miažu — u ZŠA, u Kanadu, Italiju, Hiermaniju… Jamu zaŭždy daviarali, daviarali hrošy, dapamohu — pa im było bačna, što hety čałaviek nie padmanie. Jon byŭ staršynioj arhanizacyi ŭsio žyćcio, ja viedaŭ, što jon chvareŭ – moža heta źviazana ź jahonymi šmatlikimi pajezdkami ŭ Čarnobyl. U majoj pamiaci jon prysutničaje jak viasioły, razumny, vielmi spakojny čałaviek, vydatny vykładčyk i fiłosaf».
***
Hienadź Hrušavy naradziŭsia ŭ Minsku 24 lipienia 1950 hoda. Skončyŭ škołu №50, jakaja śpiecyjalizavałasia na fizicy i matematycy, ale pastupiŭ na fiłasofski fakultet BDU. U1975-m abaraniŭ kandydackuju, a paźniej i doktarskuju dysiertacyju pa fiłasofii.
Hrušavy pryjšoŭ u palityku na chvali nacyjanalnaha adradžeńnia. Jon byŭ adnym z arhanizataraŭ i aktyŭnych udzielnikaŭ Biełaruskaha narodnaha frontu «Adradžeńnie».
U 1990-m staŭ staršynioj Biełaruskaj chryścijanska-demakratyčnaj partyi, jakaja, praŭda, praisnavała niadoŭha. U tym ža hodzie byŭ vybrany deputatam Viarchoŭnaha Savieta 12 sklikańnia, dzie ŭvachodziŭ u frakcyju BNF. Vybiraŭsia i ŭ parłamient nastupnaha składu.
Z-za pahrozy aryštu ŭ sakaviku 1997 hoda jon byŭ vymušany źjechać u FRH, dzie prabyŭ da sakavika 1998-ha. Viarnuŭsia ŭ Biełaruś.
Spravaj jaho žyćcia stała dapamoha dzieciam, paciarpiełym ad avaryi na Čarnobylskaj AES. U 1989 hodzie Hrušavy staŭ staršynioj Kamiteta BNF «Dzieci Čarnobyla», jaki potym pieratvaryŭsia ŭ fond «Dzieciam Čarnobyla». Za čas svajoj pracy fond akazaŭ dapamohu bolš čym 2 miljonam žycharoŭ Biełarusi. 160 tysiač dziaciej byli nakiravany na reabilitacyju i azdaraŭleńnie ŭ mnohija krainy śvietu.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ1
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary