U Breście sałdat terminovaj słužby sa štyk-nažom napaŭ na pradaŭščycu.
Pra heta paviedamiła staršy inśpiektar adździaleńnia infarmacyi i hramadskich suviaziaŭ Departamienta achovy MUS Alena Jarmalinskaja.
Incydent adbyŭsia 19 studzienia ŭ 23.05 u kramie na vulicy Kovielskaj.
Pradaŭščyca patłumačyła supracoŭnikam departamienta achovy, jakija prybyli na miesca zdareńnia, što nieviadomy chłopiec u brudnaj vopratcy zajšoŭ u handlovuju zału, chutka i nieachajna staŭ składvać pradukty i ałkahol u pakiety.
Kali žančyna pacikaviłasia, ci jość u pakupnika hrošy, jon nakinuŭsia na jaje. Złamyśnik nanios joj pranikalnaje nažavoje ranieńnie hrudnoj kletki, rezanyja rany tułava, šyi, hałavy, złamaŭ ruku i źbieh.
U vyniku chłopiec byŭ zatrymany supracoŭnikami milicyi ŭ zakinutym domie na vulicy Vuzkaj. «Štyk-nož byŭ schavany za błokam, a padazravany navat nie sprabavaŭ akazać supraciŭ», — rastłumačyli BiełTA ŭ departamiencie.
Paźniej stała viadoma, što heta žychar horada Pinska, vajskoviec terminovaj słužby, 17 studzienia samavolna pakinuŭ vajskovuju častku. U dačynieńni da zatrymanaha zaviedziena kryminalnaja sprava pa č.1 art.14, p.12 č.2 art.139, č.1 art.207.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina24
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary