U zajavie, jakaja źjaviłasia ŭ internecie, havorycca, što adkaznaść za terakty ŭ Vałhahradzie 29 i 30 śniežnia biare na siabie «Ansar Al-Suna». U zajavie isłamistaŭ śćviardžajecca, što vybuchi ŭ Vałhahradzie ździejśnili ludzi pa imieni Sulejman i Abdurachman, proźviščy pry hetym nie paznačanyja.
«Ansar Al-Suna» — heta vajenizavanaje abjadnańnie, jakoje składajecca, u asnoŭnym, z kurdaŭ i arabskich internacyjanalistaŭ, jakoje było stvorana ŭ Iraku bolš za dziesiać hadoŭ tamu.
Na sajtach, jakija padtrymlivajuć kaŭkazskich bajevikoŭ, taksama źjaviŭsia videarolik, dzie mierkavanyja terarysty rychtujuć bombu, a zatym sa zbrojaj u rukach źviartajucca da hledačoŭ. Jany niesłavianskaj źniešnaści i havorać pa-rusku ź jarkim akcentam.
Adzin ź ich zajaviŭ, što metaj nastupnych terarystyčnych napadaŭ stanie Alimpijada ŭ Sočy.
Pravaachoŭnyja orhany zajavu isłamistaŭ nie kamientujuć.
Terakty ŭ Vałhahradzie adbylisia 29 i 30 śniežnia. Adzin vybuch prahrymieŭ na terytoryi čyhunačnaha vakzała, druhi — ranicaj nastupnaha dnia ŭ tralejbusie. Zahinuli 34 čałavieki, kala 100 paciarpieli.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma2
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary