У заяве, якая з'явілася ў інтэрнэце, гаворыцца, што адказнасць за тэракты ў Валгаградзе 29 і 30 снежня бярэ на сябе «Ансар Аль-Суна». У заяве ісламістаў сцвярджаецца, што выбухі ў Валгаградзе здзейснілі людзі па імені Сулейман і Абдурахман, прозвішчы пры гэтым не пазначаныя.
«Ансар Аль-Суна» — гэта ваенізаванае аб'яднанне, якое складаецца, у асноўным, з курдаў і арабскіх інтэрнацыяналістаў, якое было створана ў Іраку больш за дзесяць гадоў таму.
На сайтах, якія падтрымліваюць каўказскіх баевікоў, таксама з'явіўся відэаролік, дзе меркаваныя тэрарысты рыхтуюць бомбу, а затым са зброяй у руках звяртаюцца да гледачоў. Яны неславянскай знешнасці і гавораць па-руску з яркім акцэнтам.
Адзін з іх заявіў, што мэтай наступных тэрарыстычных нападаў стане Алімпіяда ў Сочы.
Праваахоўныя органы заяву ісламістаў не каментуюць.
Тэракты ў Валгаградзе адбыліся 29 і 30 снежня. Адзін выбух прагрымеў на тэрыторыі чыгуначнага вакзала, другі — раніцай наступнага дня ў тралейбусе. Загінулі 34 чалавекі, каля 100 пацярпелі.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары