Łukašenku prosiać admianić vyniki biełaruskaha adboru na «Jeŭrabačańnie»
U internecie, na placoŭcy change.org, 11 studzienia pačaŭsia zbor podpisaŭ za admienu vynikaŭ biełaruskaha nacyjanalnaha finału adboračnaha tura konkursu «Jeŭrabačańnie-2014». Inicyjatar akcyi, aŭtar zvarotu da Alaksandra Łukašenki — niechta Ivan Ivanoŭ.
U zvarocie havorycca (arfahrafija i punktuacyja aŭtara zachavanyja): «Hałasavańnie žury źjaŭlajecca subjektyŭnym mierkavańniem žury i nijak nie adlustroŭvaje mierkavańnie ŭsiaho naroda Respubliki Biełaruś. 50% hałasavańnia telehledačoŭ ničoha nie dajuć, bo žury, viedajučy hałasavańnie telehledačoŭ, padstrojvaje svaje hałasy tak, kab abrać patrebnaha im kandydata. Z hoda ŭ hod žury vybiraje nie taho pradstaŭnika, jaki b moh vyjhrać Jeŭrabačańnie i na hodnym uzroŭni pradstavić našu krainu na suśvietnym konkursie. Nie budźcie abyjakavymi da pytańnia pradstaŭleńnia Biełarusi na jeŭrapiejskaj arenie».
Pakul kolkaść padpisantaŭ zvarotu składaje kala 1050 čałaviek.
Nahadajem, pieramožcam nacyjanalnaha adboračnaha tura «Jeŭrabačańnia» abvieščany śpiavak Tea (Juryj Vaščuk) ź pieśniaj Cheesecake. Pa vynikach hałasavańnia hledačoŭ i sudździaŭ pieršaje miesca ŭ finale zaniali adrazu dva vykanaŭcy — Tea i duet Maksa Łoransa i Dzidziuli. Tea atrymaŭ 8 bałaŭ u vyniku hałasavańnia hledačoŭ i 12 bałaŭ — ad členaŭ žury. Pry hetym maksimalnuju acenku pastavili śpievaku šeść z vaśmi sudździaŭ. Maks Łorans & Dzidziula, naadvarot, atrymali 12 bałaŭ ad hledačoŭ i 8 — ad žury.
Jak rastłumačyła na finalnym šou viadučaja Volha Ryžykava, zhodna z praviłami konkursu, kali dva kankursanty nabrali adnolkavuju kolkaść bałaŭ, pieramožca vyznačajecca paŭtornym hałasavańniem žury. U vyniku sudździ adnahałosna prahałasavali za pieramohu Tea. Spačatku viadučyja abjaŭlali, što pieramožca budzie vyznačacca na 50% zhodna z hałasavańniem telehledačoŭ i jašče na 50% — zhodna za acenkami žury.
Varta adznačyć, što biełarusy apošnim časam stali aktyŭna ekspłuatavać placoŭku change.org dla vykazvańnia svajho pratestu suprać dziejańniaŭ uład.
Siarod apošnich akcyj — pratest suprać uviadzieńnia pošliny na aŭtaŭładalnikaŭ i patrabavańnie rabotnikaŭ chutkaj miedycynskaj dapamohi ab dadatkovych harantyjach i pavyšeńni zarabotnaj płaty.
-
U Homieli znoŭ pracuje restaran «Spadčyna», zakryty paśla «Hukańnia viasny»
-
«Ja zakančvaju efir, ja prosta nie mahu». Kavieryna daviała da šalenstva dyskusija sa śviatarom Šramko
-
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja11
Kamientary