Litva hatova invieściravać u ekanomiku Biełarusi amal $1 młrd. Adpaviednaja damoŭlenaść była dasiahnuta 3 kastryčnika ŭ Vilniusie na sustrečy premjer-ministra Biełarusi Siarhieja Sidorskaha z premjer-ministram Litvy Hiedyminasam Kirkiłasam. Ab hetym paviedamiŭ žurnalistam Siarhiej Sidorski.
Na sustrečy taksama byli abmierkavany pytańni handlova-ekanamičnaha supracoŭnictva dźviuch krain. U pryvatnaści, dasiahnuta damoŭlenaść ab pradastaŭleńni mahčymaści litoŭskamu kapitału aktyvizavać dziejnaść u Biełarusi. Akramia taho, prapracavany pytańni stvareńnia novych sumiesnych biełaruska-litoŭskich pradpryjemstvaŭ. Tak, u Biełarusi z udziełam litoŭskaha boku płanujecca pabudavać zavod pa vytvorčaści farmaldehidnych smoł.
Akramia taho, na sustrečy išła razmova ab aktyvizacyi supracoŭnictva ŭ transpartnaj śfiery, taksama razhladalisia pytańni minimizacyi koštu litoŭskich viz dla hramadzian Biełarusi z 2008 hoda.-
Kamientary