Jarmošyna: Nijakich pryčyn pravodzić «prezidenckija vybary» daterminova niama
Datu praviadzieńnia prezidenckich vybaraŭ u Biełarusi pieranosili tolki adnojčy i tady pryčyna była surjoznaja — «dačny siezon», miarkuje Jarmošyna.
Čarhovyja ž prezidenckija vybary sadova-aharodnym pracam biełarusaŭ nijakim čynam nie zaškodziać i tamu ŭ praviadzieńni ich daterminova niama nijakaj patreby. Tak staršynia Centrvybarkama Lidzija Jarmošyna adreahavała na zajavy pra mahčymaść pieranosu daty praviadzieńnia prezidenckich vybaraŭ na 2014 hod.
Voś što raspaviała Lidzija Jarmošyna: «Najpierš, u hetym niama nijakaj patreby. A pa-druhoje — u čym sens praviadzieńnia daterminovych vybaraŭ? U nas jany tak by mović daterminova, na try miesiacy pieranosiłasia data praviadzieńnia, vybary pravodzilisia tolki adnojčy — u 2006 hodzie. Kali ź leta vybarčuju kampaniju pieranieśli na viasnu. Ale heta tłumačyłasia siezonnaściu. Tamu, nijakich padstavaŭ dla pieranosu dadzienaj vybarčaj kampanii na bolš rańni termin niama — ni jurydyčnych, ni faktyčnych».
Nahadajem, dniami lidar kampanii «Havary praŭdu!» Uładzimir Niaklajeŭ nie vyklučyŭ pieranosu prezidenckich vybaraŭ z 2015-ha na 2014 hod.
«Heta moža być vyhadna Łukašenku», — ličyć Niaklajeŭ.
U svaju čarhu Lidzija Jarmošyna nijakaj vyhady ŭ takim pieranosie dla kiraŭnika krainy nie bačyć. I paćviardžaje: žnivień 2015 hoda — heta pačatak čarhovaj prezidenckaj vybarčaj kampanii. A sami vybary pavinny prajści nie paźniej za 20 listapada 2015-ha.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary