U dziejańniach administratarki «Karandaša» Aleny Rybak «parušeńniaŭ nie vyjaŭlena», jana adnoŭlenaja na pracy
Barysaŭski pravaabaronca Aleh Mackievič atrymaŭ adkaz na skarhu ad imia dyrektara TAA «Infaekśpiert» A.Kryvalceviča. U hetuju strukturu ŭvachodzić centr drukarskich pasłuh «Karandaš».
Skarha tyčyłasia situacyi, kali «Radyjo Svaboda» padrychtavała mapu Uschodnich mohiłak stalicy «Biełaruski niekropal» z ukazańniem mahił 50 vybitnych biełarusaŭ. Adnak drukarnia «Karandyš» paličyła jaje antydziaržaŭnaj ahitacyjaj i admoviłasia brać zakaz.
«Tolki što ja naviedała sajt Radyjo «Svaboda» i kankretna ŭbačyła, što jany tam vielmi aktyŭna raźmiaščajuć roznyja karykatury na našych supracoŭnikaŭ KDB. Miakka kažučy, ich honar i hodnaść, vidavočna, parušajucca», - skazała tady spadarynia Rybak.
Aleh Mackievič u svajoj skarzie papiaredziŭ pra namier źviarnucca ŭ prakuraturu, bo paličyŭ, što supracoŭniki centru «Karandaš» złoŭžyvali svaimi słužbovymi paŭnamoctvami, z-za čaho byli parušanyja jahonyja pravy na infarmacyju.
«Z ulikam surjoznaści i važnaści Vašaha zvarotu dla našaj kampanii na pieryjad pravierki Alena Rybak budzie adchilenaja ad vykanańnia abaviazkaŭ menedžara», — paviedamiŭ u svaim adkazie 6 listapada dyrektar «Infaeksperta» A.M. Kryvalcevič.
Praź piać dzion pryjšoŭ inšy adkaz. U im havorycca, što «ŭ dziejańniach menedžara TAA «Infaekśpiert» Rybak A. parušeńniaŭ zakanadaŭstva nie vyjaŭlena. U suviazi z hetym jana adnoŭlenaja na pasadzie menedžara. Taksama ŭstanoŭlena, što adsutnaść mahčymaści vykanać zakaz, ab jakim vy napisali ŭ svaim zvarocie, abumoŭlena technałahičnymi pryčynami».
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary