Alaksandr Łukašenka ŭznaharodziŭ prezidenta transnacyjanalnaj karparacyi «Ruska-ŭkrainskaje naftavaje tavarystva» Anatola Ternaŭskaha ordenam Pašany.
Jak paviedamlaje pres-słužba kiraŭnika dziaržavy, hetaj uznaharody biźniesmien udastojeny «za značny asabisty ŭkład va ŭmacavańnie handlova-ekanamičnych suviaziej pamiž Biełaruśsiu i Rasijaj».
Nahadajem, Tarnaŭski ŭvachodzić u lik biźniesmienaŭ, u dačynieńni da jakich dziejničajuć vizavyja i finansavyja abmiežavańni Jeŭrasajuza. Pad dziejańniem sankcyj taksama znachodziacca jaho kampanii.
Łukašenka taksama padpisaŭ ukaz ab uznaharodžańni staršyni savieta praŭleńnia akcyjaniernaj kampanii «Emsaš» (Turcyja) Arsłana Ali Ryza ordenam Pašany «za značny asabisty ŭkład u realizacyju biełaruska-tureckich inviestycyjnych prajektaŭ, umacavańnie supracoŭnictva pamiž Biełaruśsiu i Turcyjaj».
Kampanija «Emsaš» u Biełarusi viadomaja ŭ tym liku tym, što źjaŭlałasia padradnaj arhanizacyjaj pa budaŭnictvie «Prezident-hatela» ŭ Minsku, uviedzienaha ŭ dziejańnie viasnoj hetaha hoda.
Akramia hetaha, Łukašenka ŭznaharodziŭ člena palityčnaha biuro Centralnaha kamiteta Kamunistyčnaj partyi Kitaja, namieśnika staršyni Centralnaha vajennaha savieta KNR hienierał-pałkoŭnika Siuj Cylana ordenam Družby narodaŭ «za vialiki asabisty ŭkład u raźvićcio i ŭmacavańnie družalubnych adnosin i vajenna-techničnaha supracoŭnictva pamiž Biełaruśsiu i KNR», paviedamiła pres-słužba.
Ciapier čytajuć
Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ3
Kamientary