U mastaka Fiodara Jastraba vyjavili nievylečnuju chvarobu, patrebna dapamoha
Adkryty dabračynnyja rachunki.
«Bakavy amijatrafičny skleroz. Heta redkaje zachvorvańnie mozha. Nie ankałohija, a nieŭrałohija. U Biełarusi z takim zachvorvańniem tolki 12 čałaviek, u Rasii — 600, — paviedamiła žonka mastaka spn. Aryna. — Pra chvarobu daviedalisia ŭ červieni. Ciapier jamu ciažka razmaŭlać i chadzić».
Rodnyja šukajuć kliniku za miažoj, dzie pryniali b mastaka pad nahlad miedykaŭ. Da siońnia nie znojdzieny mietady poŭnaha vylečvańnia, ale lačeńnie daje mahčymaść padoŭžyć ludziam žyćcio.
«A kolki čałaviek moža pražyć, Boh tolki viedaje»,
— adznačaje spn. Aryna.
Chvaroba nie ŭpłyvaje na razumovyja zdolnaści. Sp. Jastrab piša vieršy. Nizki vieršaŭ apublikavanyja ŭ śviežych numarach časopisa «Dziejasłoŭ» i haziety «Litaraturnaja Biełaruś».
Dla taho, kab adpravić mastaka ŭ zamiežnuju kliniku, patrebny hrošy.
Dla hetaj mety stvorany dabračynnyja rachunki:
Možna taksama pieraličyć hroša na:
WebMoney 423670940515
EasyPay 48305348 na imia Jastraba F.A.
U siaredzinie listapada ŭ Minskaj abłasnoj biblijatecy płanujecca aŭkcyjon z udziełam mastakoŭ, hrošy ad jakoha pojduć na lačeńnie sp. Jastraba. Dakładnaj daty pakul niama.
Fiodaru (Francu) Jastrabu sioleta spoŭniłasia 60 hadoŭ. Jon zahadvaŭ halerejna-vystavačnym adździełam u Nacyjanalnaj biblijatecy Biełarusi. Siabra Biełaruskaha sajuza mastakoŭ. Vykładaŭ u BDU kultury i mastactvaŭ.
***
Daviedka
Bakavy amijatrafičny skleroz (chvaroba matornych niejronaŭ) — nievylečnaja chvaroba centralnaj niervovaj sistemy, pry jakoj adbyvajecca paražeńnie matornaj kary hałaŭnoha mozha i ruchalnych niejronaŭ. Heta pryvodzić da paraličaŭ i ŭ dalejšym atrafii ciahlicaŭ. Štohod vyjaŭlajecca 1-2 vypadki zachvorvańnia na 100 tysiač čałaviek.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary