Narviežskaje TB: Bialacki byŭ za krok ad atrymańnia Nobieleŭskaj premii
Nobieleŭski kamitet razhladaŭ u jakaści hałoŭnych pretendentaŭ čatyry kandydatury, siarod ich biełaruskaha pravaabaroncu.
Narviežski kanał nie pieršy raz daje dakładny prahnoz adnosna taho, chto atrymaje hetuju premiju. Letaś za paru hadzin da abviaščeńnia łaŭreata NRK vykazaŭ zdahadku, što premiju miru atrymaje Jeŭrasajuz.
Zhodna ź infarmacyjaj NRK, Nobieleŭski kamitet adkinuŭ kandydaturu 16-hadovaj pakistanskaj dziaŭčyny Małały Jusufzaj, na jakuju rabili staŭku bukmiekiery, z troch pryčyn.
Heta i jaje maładość, i niedastatkovaść ździejśnienaha – jana viała błoh i tamu stała achviaraj isłamskich fanatykaŭ, dyj ryzyki naklikać na jaje jašče bolšuju niebiaśpieku z boku isłamistaŭ.
Hałoŭnymi pretendentami na Nobieleŭskuju premiju miru ŭ hetym hodzie, jak adznačaje narviežskaje telebačańnie, stali Arhanizacyja pa zabaronie chimičnaj zbroi, jakaja ŭ vyniku i atrymała ŭznaharodu, a taksama prezident-refarmatar Mjanmy hienierał Tejn Sejn, doktar-hiniekołah z Konha Deni Mukviehie i naš pravaabaronca Aleś Bialacki.
Kamientary