U Anhlii z-za tumanu sutyknulisia bolš za 130 aŭtamabilaŭ — fota
Dziasiatki čałaviek paciarpieli ŭ aŭtakatastrofie z udziełam bolš čym 130 aŭtamabilaŭ u anhlijskaj hrafstvie Kient na paŭdniovym uschodzie ad Łondana.
Pryčynaj cełaj sieryi sutyknieńniaŭ na vialikaj raźviazcy staŭ husty tuman, paviedamlaje
Palicyja paviedamiła, što ŭ vaśmi paciarpiełych surjoznyja traŭmy. Usiaho było špitalizavana 27 čałaviek.
Pa słovach vidavočcaŭ,
tumanu była vielmi drennaja bačnaść, i pry źjeździe z mosta na
šašy kiroŭcy pieršych mašyn nie zmahli acanić ščylnaść ruchu.
Pry hetym mnohija jechali biez uklučanych far.
Na šašy ŭtvaryłasia sapraŭdnaja zvałka ź lehkavikoŭ, hruzavikoŭ i fur. Zadnija ŭrazalisia ŭ piarednich, i ŭsio heta praciahvałasia nie mienš za 10 chvilin, raspaviadajuć vidavočcy.
Kiroŭca Marcin Stemiers kaža, što heta było žudasnaje vidovišča. Jon bačyŭ lehkavyja aŭtamabili, prydušanyja źvierchu hruzavikami, ludziej, što lažali na ziamli.
Pa jaho słovach, kali jon padjechaŭ da miesca, bačnaść była kala 15 mietraŭ. Źjazdžajučy z mosta, jon ubačyŭ, jak piać mašyn urezalisia adna ŭ adnu. Sam jon zmoh pracisnucca pamiž adnoj z mašyn i barjeram raździalalnaj pałasy.
«U nastupnyja 10 chvilin my čuli hrukat, skryhat žaleza lehkavikoŭ i fur, jakija raźbivalisia i pieravaročvalisia», — raspavioŭ Stemiers u intervju
Bi-Bi-Si .
Jon i jaho syn pabiehli ŭzdoŭž darohi, papiaredžvajučy kiroŭcaŭ, jakija nabližajucca da miesca avaryi, kab tyja źmienšyli chutkaść.
«Praź niejki čas da nas padyšła žančyna ŭ ślazach i skazała: «Dziakuj vam, vy vyratavali mnie žyćcio», — uspaminaje Marcin Stemiers.
Kamientary