Siońnia Ŭkraina śviadoma admaŭlajecca ad pastavak elektraenerhii pa tych kirunkach ekspartu, jakija niavyhadnyja z ekanamičnaha punktu hledžańnia.
Siońnia Ŭkraina śviadoma admaŭlajecca ad pastavak elektraenerhii pa tych kirunkach ekspartu, jakija niavyhadnyja z ekanamičnaha punktu hledžańnia. Pra heta zajaviŭ pres‑sakratar Ministerstva paliva j enerhietyki Ŭkrainy Kanstancin Baradzin.
U jakaści prykładu Baradzin pryvioŭ damoŭlenaści pra pastaŭki elektraenerhii ŭ Biełaruś, i asabliva adznačyŭ, što ekspart u Biełaruś ažyćciaŭlaŭsia z pačatku hodu pa canie ad 2 da 2,4 amerykanskich centa za kVt pry tym, što cana dla ŭkrainskich spažyŭcoŭ na ŭkrainskim rynku składaje kala 4,7 centaŭ za kVt.
«Padčas pieramoŭ z našymi biełaruskimi partnerami my paviedamili im pra toje, što Ŭkraina na siońniašni dzień nie vałodaje liškavaj mahutnaściu, jakaja dazvalała b vypracoŭvać hetu elektraenerhiju, pry jakoj takaja cana ekspartu jak 2,4 centa za kVt źjaŭlajecca dla Ŭkrainy pryvabnaj. U suviazi z hetym my prapanavali našym biełaruskim partneram pierajści na zakupki elektraenerhii pa cenach unutranaha rynku Ŭkrainy. Na siońniašni dzień, nakolki nam viadoma, biełaruski bok vyvučaje našu prapanovu», — padkreśliŭ jon i dadaŭ, što analahičnuju pazycyju Ministerstva zajmaje i ŭ pytańni ekspartu elektraenerhii ŭ Małdovu.
Pavodle słoŭ Baradzina, u suviazi z rostam koštu enerhanośbitaŭ, u pieršuju čarhu hazu, ekspartnyja ceny nie pakryvajuć vydatkaŭ na vypracoŭku elektraenerhii.
«My hatovyja ekspartavać elektraenerhiju pa ŭsich kirunkach, zadavolvać patreby ŭsich našych zamoŭcaŭ i klijetaŭ. Ale pry hetym hetyja pastaŭki elektraenerhii nia musiać nanosić ekanamičnych strat pradpryjemstvam Ukrainy. Hetyja pastaŭki my hatovyja rabić pa canie ŭkrainskaha enerharynku», — adciemiŭ presavy sakratar.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary