Minekanomiki prapanuje admianić daviadzieńnie dyrektyŭnych pakazčykaŭ da pradpryjemstvaŭ

Ideałohija prahnozu sacyjalna-ekanamičnaha raźvićcia na 2014–2016 hady pavinna zasnoŭvacca na admovie ad daviadzieńnia płanavych zadańniaŭ da pradpryjemstvaŭ. Takoje mierkavańnie vykazaŭ pieršy namieśnik dyrektara Navukova-daśledčaha ekanamičnaha instytuta Ministerstva ekanomiki Viktar Pinihin u artykule, apublikavanym u lipieńskim numary «Ekonomičieskoho biulletienia», jaki vydajecca NDEI.

«Słabaściu prahnozaŭ apošnich hadoŭ źjaŭlajecca toje, što dobryja pažadańni pa stvareńni vysokapradukcyjnych pracoŭnych miescaŭ i ŭ cełym pa madernizacyi ekanomiki ŭ razrezie ministerstvaŭ, vidaŭ ekanamičnaj dziejnaści i rehijonaŭ słaba realizujucca, bo adsutničajuć realnyja ekanamičnyja miechanizmy, jakija stymulujuć ažyćciaŭleńnie pradpryjemstvami hetych pracesaŭ. Dyrektyŭnaja sistema daviadzieńnia adpaviednych pakazčykaŭ da subjektaŭ haspadarańnia nie spracoŭvaje», — havorycca ŭ artykule.

U suviazi z hetym, ličyć ekanamist, ideałohija prahnozu sacyjalna-ekanamičnaha raźvićcia na 2014–2016 hady «pavinna zasnoŭvacca na admovie ad daviadzieńnia płanavych zadańniaŭ (pakazčykaŭ) da pradpryjemstvaŭ ź pieravažnaj dolaj dziaržaŭnaj ułasnaści».

«Va ŭmovach, kali da orhanaŭ dziaržaŭnaha terytaryjalnaha i halinovaha kiravańnia, a taksama arhanizacyj nie davodziacca dyrektyŭnyja pakazčyki (abjomnyja i adnosnyja), na jakija jany pavinny vyjści ŭ pierśpiektyŭnym pieryjadzie, prahnoz (faktyčna płan) pierastaje być dyrektyŭnym», — kanstatuje Viktar Pinihin.

Sami pakazčyki, vyznačanyja zychodziačy z umoŭ raźvićcia, na pierśpiektyŭny pieryjad stanoviacca ŭ takoj situacyi raźlikovymi (u peŭnaj miery prahnoznymi) i pa svajoj sutnaści źjaŭlajucca indykatyŭnymi, piša ekanamist.

«Pry indykatyŭnym padychodzie niama nieabchodnaści zavyšać sacyjalna-ekanamičnyja pakazčyki, kab zabiaśpiečyć napružanaść płanavych zadańniaŭ. Kalektyvy pradpryjemstvaŭ sami pačnuć napružana pracavać, bo ich zarabotnaja płata naŭprost budzie zaležać ad atrymanych i acenienych rynkam vynikaŭ», — ličyć pieršy namieśnik dyrektara NDEI Minekanomiki.

Varta adznačyć, što sproba admovicca ad dyrektyŭnaj sistemy płanavańnia ekanomiki ŭžo była zroblenaja ekanamičnymi ŭładami. U 2011 hodzie byŭ raspracavany zakonaprajekt ab indykatyŭnym płanavańni sacyjalna-ekanamičnaha raźvićcia Biełarusi. Asnoŭnaja ideja dakumienta zvodziłasia da taho, što pakazčyki, jakija zaćviardžaje dziaržava, nosiać indykatyŭny charaktar i nie źjaŭlajucca abaviazkovymi dla vykanańnia. Adnak zakonaprajekt tak i nie byŭ pryniaty biełaruskim parłamientam.

Tym časam, ličać ekanamisty, mienavita praktyka daviadzieńnia dyrektyŭnych pakazčykaŭ da pradpryjemstvaŭ stała klučavoj pryčynaj rostu składskich zapasaŭ u pramysłovaści ŭ pieršaj pałovie 2013 hoda. Jak paviedamlałasia raniej, niahledziačy na źnižeńnie źniešniaha popytu na biełaruskuju pradukcyju, ajčynnyja eksparciory nie skaracili praparcyjanalna abjomy vytvorčaści.

• 0
• 0
• 0
• 0
• 0
• 0
• 0
• 0