Chto taki Aleks Halčaniuk? Ci biełarus jon? Piać faktaŭ pra chakieista
Hulec zbornaj ZŠA pa chakiei Aleks Halčaniuk zakinuŭ pieramožnuju šajbu ŭ hulni z Rasijaj.
Biełarus?Aleks naradziŭsia ŭ 1994 hodzie ŭ Miłuoki, štat Viskonsin. Tady ŭ Štatach za miascovuju kamandu hulaŭ jahony baćka.
Ci možna nazyvać Aleksa biełarusam? Što kaža na heta sam chłopiec:
«Usio ž taki ja naradziŭsia ŭ ZŠA. Bolš pravilna skazać tak: ja amierykaniec ź biełaruskimi karaniami. Nie chavaju, što ŭ mianie jość biełaruskaja kroŭ. Kožny hod naviedvaju radzimu baćki, kab adnavić siły, dapamahčy babuli ź dziadulem na dačy. Zaŭsiody z zadavalnieńniem pryjazdžaju ŭ Minsk», — kazaŭ Aleks u intervju haziecie «Priessboł».
Čamu hulaje za ZŠA?Viadoma, što za chakieista Halčaniuka zmahalisia rasiejcy, jany chacieli, kab chłopiec pryniaŭ ichniaje hramadzianstva. Ale Aleks vybraŭ amierykanskaje, ab čym siońnia nie škaduje. Što datyčyć biełarusaŭ, to sam chakieist dziviŭsia, čamu ź Minska nie było nijakich zaprašeńniaŭ.
«Mnie nie prapanoŭvali hulać za biełaruskuju zbornuju. Za ŭvieś čas ja nie razmaŭlaŭ ni z adnym z kiraŭnikoŭ vašaj fiederacyi. Pryznacca, takoje staŭleńnie dziŭnaje. Usie viedajuć, što baŭlu leta ŭ Minsku, ale tym nie mienš nichto nie znajšoŭ čas choć by vyjści na suviaź. Nu što ž, nie treba, dyk nie treba».
BaćkaImia baćki Aleksa Alaksandra Halčaniuka viadomaje ŭ chakiejnym śviecie. Alaksandr naradziŭsia ŭ Minsku, šmat hadoŭ vystupaŭ za zbornuju Biełarusi, navat na Alimpijadzie ŭ
Adzin ź niamnohich biełaruskich chakieistaŭ, chto paśpieŭ pravieści niekalki hulniaŭ za zbornuju SSSR naprykancy jaje isnavańnia. Niekali Alaksandr skazaŭ: «Majo chobi — vučyć syna hulać u chakiej». Niakiepska navučyŭ.
«Manreal» i francuzskaja movaSioleta zimoj razam z moładzievaj zbornaj ZŠA Aleks Halčaniuk užo staŭ čempijonam śvietu. Ciapier jon moža paŭtaryć toje ž z darosłaj kamandaj.
Apošni hod chakieist vystupaje za samy prasłaŭleny kłub NCHŁ — «Manreal Kanadyjans», za jaki niekali vystupali biełarusy braty Kaścicyny, i Michaił Hraboŭski. Na rachunku maładoha spartsmiena 9 šajb i 18 pieradač u hetym siezonie.
Kali Aleks apynuŭsia ŭ Manreali, jon najpierš paabiacaŭ padciahnuć svaju francuzskuju movu (Manreal — horad u frankamoŭnaj kanadskaj pravincyi Kviebiek), i navat zrabiŭ niekalki dopis u tvitar
Jakupaŭ i sacsietkiAleks Halčaniuk u pačatku karjery dva siezony pravioŭ u kłubie junijorskaj Lihi Antaryjo «Sarnii Stynh». Sam chakieist kaža, što dla jaho heta byŭ vielmi karysny dośvied, bo vystupaŭ amal va ŭsich matčach siezona. Darečy, razam z Halčaniukom za «Sarniju» hulaŭ Nail Jakupaŭ — hałoŭnaja maładaja nadzieja rasijskaha chakieja.
Mienavita Jakupaŭ byŭ vybrany pad pieršym numaram
Ciapier hetych hulcoŭ uvieś čas paraŭnoŭvajuć. Pieršy siezon Nail pravioŭ lepš za biełarusa-amierykanca.
Halčaniuk — aktyŭny karystalnik sacyjalnymi sietkami. Maje akaŭnty ŭ Tvitary, Fejsbuku, Instahramie.
Zaakijanskaja presa adznačaje, što Halčaniuk upeŭnieny ŭ sabie hulec, jaki maje dobraje pačućcio lodu i kreatyŭnaść u atacy.
Pakul što Halčaniuk — heta daloka nie hulec uzroŭniu Aviečkina ci Krośbi, ale amierykancy vielmi spadziajucca, što Aleks moža vyraści ŭ takoha.
Kamientary