«Na žal, pakul niezaŭvažna, što ŭrad Vialikabrytanii nadaje šmat uvahi prablemie vykanańnia pravoŭ čałavieka ŭ Biełarusi».
Sustreča prachodziła ŭ Pałacie abščyn brytanskaha parłamienta. Jaje arhanizataram vystupiła niezaležnaje brytanskaje abjadnańnie Henry Jackson Society.
Jak paviedamiŭ BiełaPAN adzin z udzielnikaŭ razmovy, Sańnikaŭ kazaŭ ab parušeńniach pravoŭ čałavieka ŭ Biełarusi, stanoviščy źniavolenaha pravaabaroncy Alesia Bialackaha, atmaśfiery strachu ŭ hramadstvie i jaho niedaviery da ŭłady.
«Na žal, pakul niezaŭvažna, što ŭrad Vialikabrytanii nadaje šmat uvahi prablemie vykanańnia pravoŭ čałavieka ŭ Biełarusi, — skazaŭ biełaruski palityk. — My nie bačym, što na ŭradavym uzroŭni pryznajecca prablema isnavańnia palityčnych źniavolenych u našaj krainie. Adnak ja tolki što vyvučyŭ dakład Ministerstva zamiežnych spraŭ Vialikabrytanii ab pravach čałavieka, u jakim ja ščaślivy byŭ ubačyć radki pra toje, što Złučanaje Karaleŭstva praciahnie palityku sankcyj u dačynieńni da biełaruskaha režymu datul, pakul u krainie zastajucca palitźniavolenyja».
Pravaabaronca Volha Zacharava, u svaju čarhu, ukazała nie niedastatkovuju vynikovaść upłyvu Jeŭrasajuza na palityčnuju situacyju ŭ Biełarusi. Jana źviarnuła ŭvahu na handal biełaruskimi naftapraduktami ŭ Jeŭropie. «Kuplajučy tannaje paliva ŭ Biełarusi, ES uzmacniaje jaje ekanamičnuju zaležnaść ad Rasii, — miarkuje Zacharava, — vyručanyja ž hrošy iduć na ŭmacavańnie dyktatury, a nie na karyść nasielnictva».
Andrej Sańnikaŭ adkazaŭ na pytańni ŭdzielnikaŭ słuchańniaŭ ab situacyi ŭ Biełarusi, mahčymych šlachach jaje raźvićcia, roli Jeŭropy i Vialikabrytanii ŭ ruchu biełaruskaha hramadstva da demakratyčnych kaštoŭnaściaŭ.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ3
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary