Zarpłaty: Biełaruś u Jeŭropie treciaja z kanca — infahrafika
Biełaruś uvachodzić u piaciorku krain Jeŭropy z najmienšym siarednim zarobkam.
U studzieni 2013 hoda siaredni zarobak u Biełarusi skłaŭ 4 368 023 rubli. Heta 506 dalaraŭ ci 383 jeŭra ŭ ekvivalencie.Miesiac tamu biełarusy atrymali jašče bolš, ale to byŭ miesiac premij i nadbavak.
Što značacca našyja 383 jeŭra ŭ kantynientalnym maštabie? Mierycca ličbami z Hiermanijaj ci Francyjaj było b niekarektna.
Naša vahavaja katehoryja — byłyja susiedzi pa sacyjalistyčnym łahiery.Adroźnieńnie ich ad «kapitalistyčnaj» Jeŭropy lohka adsačyć na prykładzie susiednich Aŭstryi i Vienhryi, miaža miž jakimi faktyčna padzialała «jeŭrapiejski» i «saviecki» ład. Paśla razvału SSSR prajšło bolš za dvaccać hadoŭ. Aŭstryjcy štomiesiac zarablajuć 2400 jeŭra, vienhry — ŭtraja mieniej…
Z naščadkaŭ sacyjalistyčnych krain ździejśnić skačok vyšej za hałavu zdoleła zrabić tolki Słavienija. Siaredni zarobak u joj užo pieravysiŭ 1600 jeŭra. Astatnija dziaržavy aryjentujucca na ŭzrovień 1000 jeŭra.
Kab daviedacca dakładnyja ličby, my adšukali maksimalna śviežyja dadzienyja ab siarednim zarobku na sajtach statystyčnych słužb kožnaj z krain. Paraŭnańnie nie moža ličyć całkam karektnym — mietodyka i tempy pracy ŭ roznych krain svaja. Pa chutkaści Biełaruś u lidarach — u nas užo viadomy siaredni zarobak za studzień 2013 hoda. Naprykład, u prybałtyjskich krainach jašče nie padličany navat čaćviorty kvartał 2012 hoda, a ŭ Litvie štomiesiačnaja dynamika źmieny zarobkaŭ zusim nie publikujecca, tolki kvartalnaja. Aproč taho,
zarobak ukazvajecca da spłaty padatkaŭ, a ŭ kožnaj krainie ich pamier roźnicca.
U našym rejtynhu Biełaruś zajmaje siarod jeŭrapiejskich krain treciaje miesca z kanca — mienšy zarobak u Małdovie (241 jeŭra) i va Ukrainie (304 jeŭra).Dzieści źnizu boŭtajecca jašče i niaščasnaja Ałbanija. Adnak aficyjnyja ličby zarobkaŭ u hetaj krainie papiaredni raz nazyvalisia ŭ… 2010 hodzie, tamu brać ich u raźlik było b niasłušna.
Pryblizna na adnym uzroŭni z našaj krainaj znachodzicca Bałharyja. U hetaj samaj biednaj krainie Jeŭrasajuza ŭ śniežni zarablali 415 jeŭra. U studzieni ličba krychu źmienšycca i moža zraŭniacca ź biełaruskaj.
Z advarotnaha boku śpisu znachodziacca charvaty, jakija ŭsio ž pierajšli miažu ŭ 1000 jeŭra. Padstupajecca da jaje Čechija (965), bačnyja pierśpiektyvy i Rasii. Naš uschodni susied pakrysie pierahnaŭ navat prybałtyjskija krainy.Taki vialiki siaredni zarobak — 865 jeŭra — dajuć pieradusim Maskva i bahatyja pryrodnymi resursami rehijony. Ale niekalki hadoŭ tamu rasijcy navat pry vysokich cenach na naftu istotna adstavali ad centralnajeŭrapiejskich krain. Ciapier vyrvalisia napierad.
Ciapier čytajuć
Aryštavany čynoŭnik, jaki moh stać nastupnym ministram achovy zdaroŭja7
Kamientary