U najbližejšy čas u Biełaruś nie płanujecca ŭvodzić instytut bankructva fizasob, paviedamiŭ namieśnik staršyni Vyšejšaha haspadarčaha suda Alaksiej Jahoraŭ 22 lutaha na bryfinhu ŭ Minsku.
Instytut ab bankructvie fizasob Jahoraŭ nazvaŭ «patencyjalna mahčymym, adnak nie ŭ bližejšaj pierśpiektyvie. «Nieabchodnaści ŭvodzić takija normy ci prymać taki zakon zaŭtra, napeŭna, niama. Nakont paślazaŭtra nie skažu dakładna», — zajaviŭ namieśnik staršyni VHS.
Pavodle jaho słoŭ, kampietentnyja orhany, siarod jakich urad i Ministerstva ekanomiki, «manitorać situacyju».«Ci isnujuć u nas fizasoby, jakija ŭziali na siabie tyja ci inšyja abaviazacielstvy, naprykład nabrali kredytaŭ i nie mohuć ich viarnuć, u masavym paradku? Pa tych adkazach, jakija my majem z kampietentnych orhanaŭ, takaja źjava, na ščaście, u masavym paradku ŭ nas adsutničaje», — skazaŭ Jahoraŭ, dadaŭšy, što ŭ pryniaćci instytuta bankructva fizasob niama nieabchodnaści.
Adnak, adznačyŭ jon, novy zakon «Ab ekanamičnaj niepłaciežazdolnaści (bankructvie)» dapoŭnieny pałažeńniem ab asablivaściach bankructva indyvidualnych pradprymalnikaŭ. U pryvatnaści, ustanaŭlivajecca, što ŭ vypadku pracaŭładkavańnia daŭžnika — indyvidualnaha pradprymalnika paśla adkryćcia ŭ dačynieńni da jaho haspadarčym sudom konkursnaj vytvorčaści zarpłata, što vypłačvajecca jamu pa miescy pracy, nie ŭklučajecca ŭ skład majomaści daŭžnika.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha14
Kamientary