8 najbolšych dasiahnieńniaŭ biełaruskaj miedycyny za 10 hadoŭ

U čas, kali va ŭsich śfierach padvodziacca vyniki minułaha hoda, my vyrašyli zirnuć hłybiej: jakich prapyvaŭ dasiahnuli ajčynnyja miedyki za dziesiacihodździe?

2003: vydaleńnie trombaŭ ultrahukam

Biełaruskija lekary pieršymi ŭ śviecie vydalili tromb z sasudaŭ z dapamohaj ultrahuku.

Sutnaść mietodyki — u sasud uvodzicca zvyštonki chvalavod, jaki źniščaje tromb ultrahukam, a nie miechanična pracinaje jaho (jak pry ŭžyvańni endavaskularnaha mietadu lačeńnia trambozu).

2004: lačeńnie varykozu łazieram

U 2004 hodzie chirurhi ź Biełarusi avałodali najnoŭšaj biaskroŭnaj technałohijaj lačeńnia varykoznaj chvaroby vienaŭ: chvoryja ŭčastki vydalajuć łaziernym vypramieńvańniem praz zond. Apieracyja robicca pad miascovym narkozam. Paviedamlałasia, što anałahaŭ takoj technałohii niama.

Lačeńnie varykozu z dapamohaj łaziera dazvalaje nie ŭžyvać inšaje «šyrokamaštabnaje» chirurhičnaje ŭmiašańnie.

2007: kanisterapija

Pieršaje źjaŭleńnie kanisterapii (lačeńnia z dapamohaj sabaki) ŭ Biełarusi. Animałaterapija (ci zoaterapija) šyroka raspaŭsiudžanaja pa ŭsim śviecie, asabliva kali sprava tyčycca lačeńnia i reabilitacyi dziaciej: možna płavać z delfinami, zajmacca ipaterapijaj (lačeńnie z dapamohaj koniej) i h.d. Ale kanisterapija — samaja dastupnaja.

U Biełarusi lačyć dzietak u 2007 hodzie pačaŭ stafardšyrski terjer Ron u Respublikanskim reabilitacyjnym centry dla dziaciej-invalidaŭ.

2008: pierasadka piečani

U hetym hodzie biełaruskija transpłantołahi zrabili važny krok — pierasadzili piečań.

Druhaja «hučnaja» pierasadka hetaha orhana adbyłasia ŭ 2012, kali piečań u Minsku pierasadzili byłomu kiraŭniku izrailskaj raźviedki «Masad» Mieiru Dahanu.

2009: lačeńnie atłuścieńnia i dyjahnostyka depresii

Znoŭku pośpiech transpłantałohii (nastupnymi hadami ich budzie bolš i bolš): pacyjentcy, chvoraj na cukrovy dyjabiet, pierasadzili adrazu i nyrku, i padstraŭnikavuju załozu. U hetym ža hodzie ŭ Biełarusi ŭpieršyniu pierasadzili serca.

Ale 2009 hod zapomniŭsia nie adnoj transpłantałohijaj:

miedyki ŭpieršyniu impłantavali ŭ straŭnik žančynie śpiecyjalny bałon z pavietram, kab dapamohčy joj schudnieć i vylačyć ad atłuścieńnia.

2010: lačeńnie niesumiaščalnych rezus-faktaraŭ

U 2010 chirurhi paśpiachova praviali składanuju apieracyju i pierasadzili častku piečani baćki chvoramu dziciaci. A ŭ RC «Maci i dzicia» navučylisia lačyć niesumiaščalnaść rezus-faktaraŭ maci i dzicia jašče da naradžeńnia.

2011: pratezy vušnych rakavin i lačeńnie chrapu

U hetym hodzie ŭpieršyniu ŭ Biełarusi pacyjentcy z dyjahnazam «ciahličnaja dystanija» ŭ hłybinnyja struktury hałaŭnoha mozha impłantavali elektrastymulatar, jaki dazvoliŭ žančynie ź ciažkim zachvorvańniem viarnucca da narmalnaha žyćcia.

RNPC atałarynhałohii ŭ 2011 naładziŭ vyrabnictva jakasnych pratezaŭ vušnych rakavinaŭ.

Płanujecca, što vyrab takich pratezaŭ budzie naładžany va ŭsich abłasnych miedycynskich centrach Biełarusi da 2015 hoda.

2012: składanyja pierasadki, stvałavyja kletki, leki ad strachu

Hety hod byŭ bahatym na praryvy ŭ ajčynnaj miedycynie. Adnamu pacyjentu adnačasova pierasadzili piečań i nyrku, inšamu — serca i nyrku. Upieršyniu ŭ Biełarusi była pierasadžanaja donarskaja arteryja, a taksama pačali rabić apieracyi pa zakryćci defiektaŭ mižžałudačkavaj pieraharodki biez adkrytaha chirurhičnaha ŭmiašalnictva.

U Biełaruskaj miedycynskaj akademii paśladypłomnaj adukacyi prezientavali novy sposab lačeńnia apiokaŭ i jazvaŭ stvałavymi kletkami. Zvyčajna apiok zakryvajuć kavałkam skury samoha pacyjenta, ale prymianieńnie stvałavych kletak dazvolić abyścisia bieź lišniaha traŭmavańnia.

Jašče adna cikavaja navina miedycyny: biełaruskija navukoŭcy vynajšli leki, jakija kupirujuć pačućcio strachu. Hetaja raspracoŭka dapamoža tym, chto pakutuje ad psichičnych zachvorvańniaŭ, fobijaŭ, niervovych razładžvańniaŭ i biespadstaŭnych tryvoh.

• 0
• 0
• 0
• 0
• 0
• 0
• 0
• 0