Hihin: Ruski čałaviek (chaj heta budzie vialikaros, biełarus abo małaros) pavinien być pravasłaŭnym, manarchistam i lubić Sierbiju
U novym dopisie ŭ błohu na BiełTA redaktar časopisa Administracyi prezidenta «Biełaruskaja dumka» Vadzim Hihin zaklikaje Rasiju ŭmiašacca na Bałkanach.Siarod usiaho jon nazyvaje biełarusaŭ «ruskimi», a ŭkraincaŭ — «małarosami».
«Tak paviałosia z časoŭ Dastajeŭskaha, što ruski čałaviek (chaj heta budzie vialikaros, biełarus abo
Hihin adznačaje, što sierby vybirajuć Jeŭrasajuz «šlacham vialikaj zdrady» — admovy ad Kosava, a Rasija nie prapanuje ŭ alternatyvu. Aŭtar prapanuje Rasii nie pryznavać jurysdykcyi «Trybunała pa byłoj Juhasłavii».
U XIX st. Rasija aktyŭna ŭmiešvałasia ŭ bałkanskuju palityku, bo imknułasia ŭrešcie «vyzvalić» Kanstantynopal i tym samym adkryć sabie vychad da Blizkaha Uschodu. Siońnia stratehičnaje značeńnie Bałkanaŭ źmienšyłasia, bo Turcyja pierastała ŭjaŭlać saboj «dziaržavu na razbor», chvoraha čałavieka Jeŭropy. Umiašańnie Rasii ŭ Sierbii, jak jaho razumieje Hihin, — a jon, zdajecca, maje na ŭvazie pieradzieł miežaŭ — amal niepaźbiežna pryviało b da adnaŭleńnia vajny miž sierbami, ałbancami, baśnijcami dy inšymi narodami, jakuju ŭdałosia spynić paśla ŭmiašańnia NATO ŭ kancy 1990-ch. Ad času kali Kosava zdabyło niezaležnaść, «haračy» kanflikt na Bałkanach spyniŭsia.
Cikavaje i atajesamleńnie biełarusaŭ z pravasłaŭnymi — prytym što Hihin sam pa baćku Francavič. Na dumku historyka Aleha Łatyšonka, mienavita biełaruskaja nacyjanalnaja ideja jadnaje pravasłaŭnych i katalikoŭ našych ziamiel u adzinuju nacyju. U advarotnym vypadku našaj supolnaści pahražaŭ by biaskoncy kanflikt i raspad «zachodnikaŭ» i «ŭschodnikaŭ».
Redaktaru ž Hihinu, zdajecca, u Biełarusi nie bačycca prablem (kali nie ličyć apazicyi, ź jakoj jon usio vajuje), zatoje jamu śviarbić vielič Rasii.
«Rasija, Pucin! Apamiatajsia, kali łaska! Viarniciesia na Bałkany. Bieź Vialikaj Sierbii nie budzie Vialikaj Rasii», — zaniepakojeny Hihin.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ2
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary