Majem «Praŭnik»

Vysiłkami aŭtaraŭ internet-prajektu «Praunik.org» nakładam 299 asobnikaŭ vydadzieny časopis «Praŭnik». Hienijalny!

Hałoŭny redaktar «Praŭnika» Ŭładzisłaŭ Biełavusaŭ charaktaryzuje vydańnie jak prajekt dla maładych i zdarovych rozumam jurystaŭ i palitolahaŭ. Meta časopisu — hladzieć na prava biełaruskimi vačyma. Vydaŭcy staviać nastupnyja zadačy: kampensavać brak jakasnaj jurydyčnaj infarmacyi na biełaruskaj movie, raspracavać ułasnabiełaruskuju jurydyčnuju terminalohiju dy abjadnać biełaruskamoŭnych studentaŭ-pravaznaŭcaŭ. Kolki miesiacaŭ tamu sajt praunik.org ctvaryli studenty j aśpiranty pravavych specyjalnaściaŭ Biełaruskaha dziaržaŭnaha ŭniversytetu dy Mienskaha dziaržaŭnaha linhvistyčaha ŭniversytetu.

Pieršy numar časopisu źmiaščaje materyjały pra ŭsie haliny prava — ad kanstytucyjnaha da kryminalnaha. Vialikaja ŭvaha nadajecca Eŭrapejskamu pravu, zvažajučy na sučasnyja pracesy eŭrapiejskaj intehracyi i toje, što Biełaruś maje bahatuju histaryčnuju spadčynu ŭ halinie prava: jurydyčnyja dakumenty časoŭ VKŁ dy Statuty.

Kab paźbiehnuć pravincyjalizacyi vydańnia, redkalehija planuje naładzić supracoŭnictva ź viadučymi specyjalistami ŭ halinie prava z eŭrapiejskich universytetaŭ.

Ideja stvareńnia biełaruskamoŭnaha jurydyčnaha vydańnia ŭźnikła jašče paŭtara hodu tamu, i za hety čas projdzieny šlach ad stvareńnia sajtu da vydańnia pieršaha numaru časopisu. Časopis nadrukavany nakładam 299 asobnikaŭ u Smalensku pry ŭdziele Centru padtrymki vydavieckich inicyjatyŭ. Toje, što prezentacyja «Praŭnika» adbyvałasia nia ŭ ścienach BDU i nie ŭ prysutnaści zaprošanych aficyjnych asob, vyrazna charaktaryzuje staŭleńnie apošnich da inicyjatyvy studentaŭ prava. Pavodle słoŭ redkalehii, ich rodnaja alma-mater nie dapamahała, ale j nie pieraškadžała. Z boku kiraŭnictva jurydyčnaha fakultetu niama pakul nijakaj reakcyi na stvareńnie biełaruskamoŭnaha jurydyčnaha vydańnia. Tym nia mienš, vydaŭcy planujuć dasłać časopis u biblijateki ŭsich VNU, što majuć jurydyčnyja fakultety, a taksama ŭ zamiežnyja ŭniversytety, dzie navučajucca biełaruskija jurysty.

Časopis vydajecca pa-biełarusku i anhielsku. Biełaruskaja mova žyvie ažno ŭ troch varyjantach: klasyčny pravapis, «narkamaŭka» i łacinka. Z aŭtaraŭ «NN» u «Praŭniku» vystupajuć Piotra Rudkoŭski i Siarhiej Bohdan.

Redakcyjnaja kalehija čakaje prapanoŭ z boku aŭtaraŭ, i nia tolki studentaŭ dy aśpirantaŭ. Patrabavańni da tekstaŭ — aktualnaść, jakaść i patencyjał z hledzišča cikavaści dla čytačoŭ. Teksty možna dasyłać na elektronny adras časopisu praunik @praunik.org.

Pierakładčyk Lavon Barščeŭski na prezentacyi zaznačyŭ, što «paśla ŭbačanaha i pačutaha adčuvaje, što niedarma pražyŭ žyćcio». Taksama jon zajaviŭ ab svajoj hatoŭnaści ŭsialak dapamahčy stvaralnikam časopisu ŭ jakaści linhvista i vykazaŭ upeŭnienaść u tym, što «maładyja ludzi dažyvuć da taho momantu, kali plon ich dziejnaści spatrebicca i budzie vykarystoŭvacca pa pryznačeńni».

Padstava dla takoha entuzijazmu — surjozny maštab vydańnia, zadadzieny pieršym numaram, a taksama biezdakornaja kultura movy. Hetym «Praŭnik» radykalna roźnicca ad samapalnych halinovych publikatak 1990-ch. Zatoje niama ŭ vydańni lišniaj metafizyki, jakoj raniej tak hrašyŭ biełaruski intelektualizm. Vydańnie «ARCHE», «Palityčnaj śfiery», «Praŭnika» adlustroŭvaje važnuju tendencyju prafesijanalizacyi biełaruskamoŭnaje peryjodyki i jaje nabližeńnia da zachodnich standartaŭ.

• 0
• 0
• 0
• 0
• 0
• 0
• 0
• 0