Vy što-niebudź z hetaha čuli ŭ ajčynnym FM-etery?
Niaznačnym nakładam «Kovčieh» pieravydaŭ vydatny tvor vydatnaha kampazytara i aranžyroŭščyka, čyje tvory jašče šmat hadoŭ buduć vykonvacca. I siońnia «Maksim» — zonh-opera na vieršy Bahdanoviča (pry ŭdziele Leanida Prančaka) — hučyć sučasna, śvieža. Vydatny ŭzor dla tych ciapierašnich stvaralnikaŭ pop-šedeŭraŭ, jakija z takoj ciažkaściu prałaziać u adčynienuju na 75% farmatnuju bramu. Navat nia nadta jakasny kancertny zapis, časam nie zusim dakładnyja śpievy vykazvajuć uzrovień taho, što było napisana. Vučyciesia, sałaŭi, u Palivody — kab vašy pieśni žyli, a nia kiśli, kab ich śpiavali, a nie plavalisia im uśled.
Dziaržaŭny kancertny arkiestar Biełarusi, jaki na pačatku 1990-ch vyhladaŭ za sapraŭdy dziaržaŭny, jaho salisty — Alena Saŭlenajte (dzie jana ciapier?), Uładzimier Kudryn (Aŭstralija), Ina Afanaśjeva (solnaja karjera), Mikałaj Skorykaŭ (tamsama, dzie j byŭ), Julija Skarachod (Polšča), Vadzim Kasienka (adzin ź «Pieśniaroŭ»). I jakija pieśni! «Pa-nad biełym pucham višniaŭ», «Jak Bazyl u pachodzie kanaŭ», «Ciemnavokaja pani». Vy što-niebudź z hetaha čuli ŭ ajčynnym FM-etery? Dy ich na radyjostancyjach prosta nichto ŭžo nia viedaje. I nia choča viedać! Jak siońnia vy nie pačujecie ŭ vykanańni Dziaržaŭnaha kancertnaha arkiestru i Palivodavu «Pahoniu» — finał hetaj opery, najlepšaje, što było napisana na hety znakamity vierš. Ale jak siońnia pomnicca: kancertnaja zala filarmonii, na ŭvieś zadnik — vyjava «Pahoni», dyryžer Michaił Finbierh i salisty, jakija ŭsie razam vykonvali toj finał. Zala stojačy vitała «Maksima», i tolki sam kampazytar razhublena razvodziŭ rukami: maŭlaŭ, a ja tut pry čym? Heta ŭsio jon, Bahdanovič…
Dy… Boh ź imi, u kaho pamiać nie daŭžejšaja za notny radok. Bo kali havaryć pra ŭzor taho, što možna nazyvać sapraŭdnaj biełaruskaj papularnaj pieśniaj, — lepšaha zboru ciažka prydumać. Jaho prosta niama. I, bajusia, u ciapierašnich varunkach jašče doŭha nia budzie. Voś čamu varta hety dysk mieć. Kab pamiać nia źnikła.
Udziačny Słuchač
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary